思前後想唔想做一條咸魚，而我都知沉迷賭博最尾只會一鋪清袋，所以決定盡地一鋪，買人生最大槓桿方法 - 創業
睇埋下面先慢慢屌唔遲
點解創業？ 依加創業係近10年最化算
1） 租金最低
出現大量走佬鋪，無論接上手租約或者簽新租約都可攻可守，3年租期可以最少化其中一項重要支出
你望下出面條街幾多吉鋪
2）市場競爭
同上，部分行業例如零售係疫情下面已經逃汰左好多競爭對手，當然淨返既都係重中之重，但起碼可以幫助判斷到生還者既優勢同點解可以生存到咁耐
3）報伏性消費
百廢待興，只差你一步，不解釋
Ideas 1
Fitness Center
好Fancy既裝修令囡囡好想去打卡，配埋一系列既同一style產品例如Pants, 水樽， 瑜伽墊。高空瑜伽，TRX, 跳舞，重點係賺女人錢
不過依個似乎較難入門，因為口碑非常決定於堆老師，命脈比員工揸死，而要高收入亦要靠Hard sell一堆package,令公司週期縮短，因為堆客比一大舊錢買好多堂唔會短時間用得晒，要keep到同樣生意額就要不斷摔數
同埋裝修同租金好甘，要預初期無客每個月燒錢
Ideas 2
宇宙葬
日本新興既殯葬方式，用氣球送到平流層等佢自爆撒灰
依加香港每年4.5萬人死亡，輪候政府骨灰龕要3年以上，私人就10萬起跳，如果有個方法可以幾千蚊就解決到你會唔會揀？
心水清既你可能即時諗到海葬同公園撒灰，政府收費幾百
但如果宇宙葬既儀式可以媲美殯儀館呢？ 配合點天燈寫低想講既說話，同埋反傳統唔係喊苦喊忽
不過有樣野好想有人可以比到個解決方法我
就係空葬現時唔合法，有咩灰色位
Ideas 3
賣2手撈
依個係聽左一位巴打既提議覺得可以一戰，租個旺區細細地一個鋪位，做2手Rolex買賣。1年入面升值最多果隻應該可以抵銷到1年租金
不過問題黎啦，就係有風險會收到假貨
唔小心轉售做衰左個朵就冇得再食老本
要先惡補下鑑定既方法同知識邊學邊做
我講咁多唔係為咩，只係想比人屌醒
有咩創業既前輩心路歷程不妨分享我相信Ideas永遠係最唔值錢，點執行同解難先係成功既關鍵，所以我都唔怕講出黎比人偷橋，或者比你屌到體無完膚，起碼唔work我放棄可以慳返幾年時間同精神
亦都歡迎你分享有咩得意既Ideas,放心,Work既我絕對會偷橋
不過搞得成我會無償送2%股份比你歡迎各位出招
