訂婚戒指品牌

有咩訂婚戒指品牌推介？ 十萬個Thanks

卡地亞

訂婚戒指同求婚戒指係唔係一樣
小弟第一次結婚，求高手指點

自己設計一隻

有諗過 知唔知大概幾多錢

又幾有意思又好玩
但女朋友會唔會唔受屌

萬幾蚊左右

都幾抵屌 以為戒指會十幾萬

你呢對係婚戒唔係鑽戒，頂到盡幾皮嘢搞掂

好多人買i primo

你要結婚對戒定求婚鑽石戒指呀？
求婚個隻睇粒石幾大咩質素啦
普通設計都係四抓咁上下
除非你女友想要有牌子個d

以為係一樣 見啲女人結婚影相會拎起隻手bling bling bling

mark底先 大概幾錢倒？

我諗⋯⋯應該對戒同求婚戒指都要
究竟要洗幾多錢

買Ipromo 不如買名牌
我指卡地亞tiffany van cleef chaumet 個啲
I promo 手工一般
你落完放大鏡睇再去名牌睇下就明
日本仔出得國手工好一般
我意思係mikimoto都好一般

我建議係你去樓上舖買Gia 證書就得

Oh, Ching你要total買3隻戒指。
首先一隻鑽戒求婚用, 要有咁大得咁大, 有咁貴得咁貴, 視乎個人能力。最大難度呢度, 要做好多資料蒐集。

如求婚成功後, 再一齊同未來太太去買一對婚戒, 呢一對就買有牌子嘅例如卡地亞。呢對就頂盡幾皮嘢。

mark底

睇嚟要做好多功課 仲要儲好多錢
究竟鑽戒有咩用 女人結完婚會戴咩？

訂婚係個人
由2至30萬都有
如果你4-5萬買頂級牌子
0.40-0.60卡咁上下
如果樓上舖計
1.00-1.20卡咁上下
視乎實際質素而定

對戒建議一對8000蚊以上
有啲好平不過唔建議
因為挖空或者太薄

頂級名牌間間唔同
約15000-35000左右一對
有啲款隻都30000-50000
視乎設計，鑽石多少或成色而定
好似卡地亞某啲款其實8000-9000有一隻

一定會戴，show俾啲姊妹睇，三姑六婆睇，評頭品足，etc.

睇你買咩石
咩色 清晰度 切割方法 幾多卡
靚色高清靚切割1卡 起碼過3皮

鑽戒就睇你粒石幾錢啦
唔同grade唔同大細都唔同
通常去珠寶店會跟你budget做
或者問朋友有冇相熟珠寶店費事你買石比人呃
可以買左石後搵其他店做設計都得
根據粒石價錢可以差好遠
唔夠一卡可能一萬左右
一卡又可能三至五萬到
真係睇grading睇Gia先知
有牌子既鑽戒當然on top再貴d啦

對戒最平無石既可能三五千有一對
或者靚少少你預萬頭啦
大牌子就預兩萬以上啦
或者可以去workshop diy純銀對戒
好多選擇，你求婚成功後先慢慢商量

求婚鑽戒我建議唔好買大牌子，因為粒石一定細，同埋mark up太勁，冇人會咁買。反而粒石嘅大小同質量最緊要，要做啲research.

問下佢點諗先
有啲人鍾意鑽石大粒 唔介意無牌子
有啲人寧願無鑽石都要牌子野
有啲人鍾意簡約 有啲人鍾意設計好花巧
你真係想佢滿意嘅話要同佢傾下

通常都係一隻求婚 （鑽戒）
一對結婚 簽紙之後戴（通常揀款式相似 貴金屬 日常戴）

價錢普通一卡6萬上落睇你要求
有牌子嘅預貴大一截
貴金屬結婚嘅 最貴通常10,000樓下 鉑金

你要有budget 再加個款式 先比較容易推薦到品牌
如果唔係好難搵到想要嘅

第一次結婚
講到好似之後會再結咁