借朋友ac po
我哋呢度幾位都係呢一間自稱黃店「泰Yummy」既前同事。
由於我哋都因為對呢一間泰Yummy有許多既不滿,所以我哋經過討論後決定要話比大家知呢一間鋪嘅所作所為。
1.辱罵同事
泰Yummy既老闆娘經常用粗言穢語辱罵同事,例如:屌你老母瞓撚醒未。
佢嘅態度同埋言語已經令到我哋各同事心理壓力日漸增大。
2.拎咗手足送比顧客既口罩自用
曾經有手足送過一箱康復香港時代革命嘅口罩比泰Yummy,希望佢哋送俾黎食嘢嘅顧客,但係呢位老闆娘不單止私用冇派過,並要求員工唔可以掂箱口罩。
3.ot無補水
老闆娘會即日發放薪金予part time員工, 但基本上晚上10:30後的額外工作時間並不會發放薪金,老闆娘更會出口要求員工必須完成工作方能下班。除非打卡時間為晚上11時,否則不論晚上10時35分或晚上10時55分下班,亦只發放至晚上10:30的薪金。另外, 老闆娘熱愛於員工下班前幾分鐘要求員工完成需時較長的工作。
4.PT無飯鐘
逢星期二為老闆娘休息日, 即使以往曾經全鋪樓面只有老闆娘及一名Part-time員工, 老闆娘日堅持放假。Part-time員工工作時間由早上11時30分至晚上10:30甚至11:00, 當中並無飯鐘,需要邊食邊做。
5.同事離職後長期向其他同學講前同事壞話
例如經常指出某位員工所謂「教壞」其他人而導致員工率十分高,但其實員工係因為頂唔順老闆娘刻薄,精神上的疲勞轟炸,待人處事的態度和方法而選擇離開。此外,老闆娘更利用同事對其信任,居然將同事私事閑話家常,用作所謂拉攏其他同事。
6.不讓同事之間有交流
不准同事離職後及在職的情況下私下聯絡,即使工作期間,亦用盡種種方法阻止同事間交談,更曾於cctv監視同事後打電話要求同事停止交談。同時經常過問員工私生活及唔同既社交平台問有冇講關於自己既野什至私底下聯絡e.g Instagram,WhatsApp
7.掛名黃店 港豬老闆
曾有遊行活動有同事想申請假期一天去遊行,卻被凶狠態度拒絕批假,即使獲批,老闆娘亦展現出不滿態度。
並經常食藍店,例如元朗b仔,a1 Bakery, 東海堂蛋糕
什至私底下同人唱衰其他黃店,例如 魚一,勤記,泰洋星,bro3
食B仔證據
8.分化同事
經常喺各同事面前講其他同事壞話,人前人後一個樣,人心險詐,有同事辭職唔做,但係同其他同事講係佢炒人,再向其他同事講辭職同事壞話,借故取得虛榮心。
9.唔俾同事播黃絲歌手嘅歌
每日都只係播奶共twins,曾經有同事播周國賢既歌,卻被「警告」只能播twins
以上種種因素都令到我哋咁多位請同事覺得佢係好有問題,最後提出辭職唔做,曾經亦都有同事同老闆娘講過佢嘅問題,但佢仍然覺得問題唔係自己身上,亦都聽過某同事講呢一間舖開咗一年左右但係員工流失量係20幾個人,更見證不少舊同事於2星期內'被炒'。問過大部份嘅前員工亦都承認辭職係因為老闆娘自身問題,所以最後決定話比大家知呢啲事