有冇人撈緊偏門？

無日本住址，電話，戶籍，簽證點開銀行戶口？

上網賣大笨象精液算唔算

連登咁多mon post 狗, 邊個講死邊個啊

做緊當鋪算唔算偏門

Ching我留意左你好耐 我份人自認都幾幽默 但都唔夠你嚟 有冇興趣下個月喺紅館搞場棟篤笑

冇嘢偏得過做黑警啦

識個中學同學放毒品為生
係架搵食車好啲之外
唔見得過得特別好
淨係知成日流連網吧
應該係方便出貨

佢自己有冇食？

應該無知佢煙都唔食
中學英文唔差 讀讀下學壞咗

咁你同成班仲係好fd嗎？
你不如入佢公司做啦，肥水不流外人田

精盡人亡

識人做地下錢莊揸旗個位
會做澳門生意個種
每日8位數字生意額
幾間旺區地鋪同唔同物業
但佢份人好down to earth
除左家住何文田
屋企幾個工人
唔會睇得出佢有錢
唔玩車 唔玩女 唔玩錶
好懷疑佢最大既興趣就係數錢

想做 呢個時代正當工俾人搵笨冇發圍冇發達

人蠢就係咁

跟足奴隸主設計既制度入面玩，但又唔夠聰明讀到神科
咁就做死一世奴隸齒輪永無返身天

都係，睇你想穩穩陣陣 定點，真係十賭九騙

一個文明社會的陷落，其中一個重要表徵，就係土豪惡棍過著優渥的生活，而斯文彬彬的學者文人則潦倒地生存著 (surviving)。

如果套用在香港，則係「MK仔就開靚車，斯文人就坐地鐵」呢個現象。



只要打開X週刊，唔難發現近年社會上「撈得掂」班友，個個開法拉利出入，名下幾多間上市公司及山頂別墅，其中唔少係黑社會出身。

走在銅鑼灣街頭，在任何僅餘可停車位置，不時泊滿波子，林寶，瑪莎拉蒂，Benz等靚車，只要窺視車內情況，好多時都會打個突：「條友咁MK。」有部分係20幾的MK死飛仔款，其餘則係古惑佬款，頸戴金鍊，裡面深淨色T Shirt，外面西裝褸 ，牙齒略黃。然後，一便落車就周圍目露兇光，掃視附近路人，再點起手上的紅萬香煙。

正如好多舊同學聚會，最串的並非咩Banker或紀律部隊幫辦，反而係以前好似吸過毒仲衰過，而家出返來「做金融」，開口埋口自己點炒現貨金，點樣「自己努力儲一個月錢買隻Rolex Daytona」。




無他的，近年最賺錢的族群，不外乎做澳門賭廳的，收樓收地的，同埋賣倫敦金的。至於真正做實業起家，或做專業類工種而實而不華的，你有見到幾多個真係過住幾好生活？呢個年頭，無論各行各業，看似越古惑，越賺到錢。越老實，越跑得慢，或許，真的nice guys finish last…?




呢個可能就係近年香港的「MK仔就開靚車，斯文人就坐地鐵」現象。



另一邊廂，香港的傳統中產，例如小型行會計師，公司中層經理，以及中小型貿易公司東主等，則面臨收入及生活質素下降的問題，只能勒緊褲頭。因為「轉型都唔知做乜」。

即使並非呢D夕陽行業，就算你做正式小學教師甚至大學講師，收入水平尚算合理，但在百物騰貴的社會下，要好似以前一代人養妻活兒，甚至過體面的中產生活，可謂越來越難。



無他的，過去20年社會變得驚人，除左SJ經常講的全球一體化同科技以外，仲有社會普遍的惡俗化 (vulgarisation)：

相比起社會上有學識有道理的人，我地更嚮往那些財大氣粗的人。

非正式統計，20-35歲族群的香港男性，第一男神可能係洗米華，又賺大錢，又型，又「江湖猛人」，英雄主義的極致莫過如此，確實又真係好屈機。對於一些真正有學識，有理想的知識份子，他們根本連你Attention都得唔到。

據說，2017年香港最悲慘的工種，可能就係有MPhil或phD的大學導師或職員。埋頭苦幹寫Paper，假如在古代，呢D學者的Paper確實會有深遠影響力，因為作為絕無僅有識寫字又可以Publish文章的人，他們完全壟斷左成個社會的發言權。但呢個年頭，Social Media五花八門，人人都係Media，普羅大眾已經唔需要從學者的Papers得到知識。除左其他學者，簡直係Who fuckin’ cares。

跌死個個佢親戚係文科仔黎

十幾年前聽過一個長輩講
佢打工做急凍海產買手
有D私貨瞞住公司做
就買一堆道友資料開戶口收數
再用卡提現金
我諗都係差唔多方法

呃埋小朋友波板糖錢 性工作者嘅皮肉錢

成日覺得資本主義都開始走到盡頭
有d地方都講緊universal basic income
加上香港面對無限溝淡 冇錢 離開唔到 任何人都係等訓街

今年做賭廳/走私嘅都好撚大鑊
未計10間藥房9間黑底
算唔算報應