不過好多時都係呢頭醫好左D 果頭第二到又生番粒
點解會醫極都唔斷尾呢
每個人既皮膚都分成乾性或者油性
為暗瘡煩惱既你好大機會係油性皮膚
而油性皮膚比起乾性既皮脂線分泌更加旺盛(姐係出多D油)
每個人既皮膚毛囊一定都會有隻叫「痤瘡丙酸桿菌」既野
呢隻野最鐘意住係D好多油脂既地方
當你皮膚質素唔好 又冇定時洗面就會有好多角質(皮膚最外面果層死皮)
但就算勤力洗面都未必阻到「唔正常」角質既出現
當太多角質果陣毛囊口就會阻塞
個出口塞住左 而你塊面又係咁分泌油脂
入面隻菌就會愈黎愈勁最後毛囊發炎變成暗瘡
而當你醫緊一粒果陣 第二到又發生緊同樣情況
最後變成暗瘡無限輪迴
咁到底可以做D咩？
或者有巴斯會選擇睇中醫或者去做美容
雖然我冇嘗試過後者 但我個人覺得兩個方法都成效唔大
原因：
1. 中醫主要係由內去醫，改善你既體質去醫暗瘡，但缺少左處理外在問題
2. 美容就相反，醫在外而冇醫內，又係好大機會番發
個人建議最好去睇皮膚專科既西醫
可以講係成效大 而且好大機會斷到尾
至少小弟成功斷到尾
目前皮膚專科都會用維生素A酸既藥物 (有內服亦都有外用 內外同時醫)
基本上一個月為一個療程 快既六個療程就斷尾
維生素A酸最主要既效用係收乾油脂
少左油 自然少左機會發炎 唔發炎就冇暗瘡啦
但呢個方法都有缺點：
1. 貴 每個療程講緊係約$1500既藥費 加上每個人體質唔同 短既醫半年 長既可能一年
2. 副作用大 第一個療程期間要驗血睇下自己個肝受唔受到隻藥 孕婦更加唔可以用呢隻藥
各位巴斯可以睇完好好考慮 希望大家都早日斷尾 唔洗再煩D暗瘡 個人既自信都番曬黎
至於醫生方面都係靠大家自己搵 我都係搵自己住果區既醫生 其他區唔清楚
希望幫到入到黎既各位巴斯啦
另外可以做D咩？
1. 定時洗面去角質 但唔好成日洗 塊面反而會乾 一乾就會出油
2. 飲水 飲水 飲水 記得一定要飲足夠既水唔好比個人乾
3. 買護膚品幫塊面保濕
4. 介口 煎炸野少食 肉介食牛 羊 生果介食菠蘿 龍眼 荔枝等
5.食蘋果 蘋果係目前我搵到咩位生暗瘡都可以幫助減輕既食物
同埋紅印可以點搞
