想學普通鋼琴流行曲伴奏

二十尾先走黎學會唔會太遲
各位有冇咩自學鋼琴心得
現狀: 只會彈萬能柱式和弦

廿到尾既話唔好以朗朗果啲為目標。不過冇話你唔得，係未必得，不竟人地由細彈到大。

流行曲同古典既分別就係自由十倍，當然都要跟返拍子既。一般最易自彈自唱/伴奏既方法係4拍4。4拍4啫係一個小節彈4下。點為之一個小節？
平時chord譜果啲 | Am C | 呢到就係一個小節

除左一個小節彈4下之外，仲可以玩唔同節奏，啫係唔同patten 。4拍4既意思係4個4分音符一個小節。 而4分音符可以分做兩個八分音符，八分就兩個十六分，如此類推，最盡32分。你可以最佢地拆開黎玩，總之點拆都好，加埋等於4個4分就ok，呢個就係自由既地方，唔需要跟足古典咁死板。

你話你知基本chord。咁果啲135音 同埋唔同轉位就唔講啦。除左135音之外，仲有一啲叫c7 Bbdim7
Asus4 cadd9 呢啲。係味睇chord譜見到呢啲就黑人問號❓ c7啫係加c major scale既7音。每個scale都有dim7，佢既scale係每隔3個半音咁彈，呢啲網上面好多。唔同chord有唔同感覺，例如加7音既chord聽起上黎憂傷啲。其實都只係一個規律黎，明白左就可以即睇即彈，人地就會覺得你好勁。

溝女黎講4拍4已經夠玩
這是重點

感謝巴打。我就純粹想自彈自唱，學下啲自彈自唱即興freestyle 唔想咁悶正係左手㩒base音 右手㩒135，想有小小變化。我係咪應該出去揾人教下會比較好，同埋我樂理底子係零，有冇咩樂理書推介下

轉下拍子就會有變化，冇咁悶。
樂理最好搵老師搞好啲，易啲明。
不過唔搵都得，你係彈唔係編曲作曲唔需要好深
我18歲先考樂理，則邊果啲全部小朋友黎將櫈都唔岩坐。

利申 學琴十五年，今年二十。遲考係因為細個唔想考級，嘥晒啲時間

https://t.me/emstiolleh
有興趣咪傾傾佢

想問如果肯練 一日練1-2小時 幾耐可以彈到可以出街busking或者d youtuber 既level 即係求其up首歌望住個譜都可以好流暢好豐富咁彈曬d pattern出黎？