莊端兒宣佈再婚趕嫁it 男

卡頓保 2020-10-30 12:40:27

莊韻澄（前名莊端兒）上周六（24號）高調晒1卡鑽戒宣佈拍拖，《蘋果》發現她原來10月20號已入紙註冊，見39歲莊韻澄跟34歲呂成忠（Joe）準備拉埋天窗；而32歲巨聲幫出身的羅孝勇（Sheldon）與31歲的模媽王丹妮（Louise）都入紙註冊，雖然Louise育有6歲大的女兒Affa，羅孝勇亦不介意當後父，娛圈喜事浪接浪。

莊韻澄及未婚夫報住「荃灣」，想不到最終由從事I.T行業的Joe成功俘虜女神的芳心。其實過去大半年，莊韻澄出席活動時，Joe都伴在她身邊護花，更做柴可夫管接管送，為保護戀情，莊韻澄則向外人介紹Joe是她的「經理人」，當時見他們行為頗為親密。

《蘋果》今日致電準新娘莊韻澄，她大方承認婚訊，一對新人揀好日子在11月12日註冊結婚，待明年疫情減退才補擺喜酒

莊韻澄上周39歲生日才公佈拍拖喜訊，她說：「我同Joe一年多前相識後，佢一直有追求我，我肯同佢拍拖，佢一直求婚，咁啱佢又係幫我改名師傅個徒弟，師父話我改咗名做『莊韻澄』旺桃花，估唔到改名三個月即見效，真係好神奇，原先我自己都冇諗過咁快結婚，師父話11月12日係好日子，咁我同男朋友都有共識。師父話我哋與其明年結，不如今年配合好日子，仲可以兩個都旺到。」莊韻澄笑言這次閃婚要多謝師父從中推波助瀾。一對準新人打算先在親人見證下註冊，明年才擺喜酒，始終疫情未完，莊韻澄指不想到來參加婚宴的親友要「冒險」。

莊韻澄表示兩人拍拖後即見家長，莊媽媽非常喜歡這位準女婿。莊韻澄續說：「佢係我未來老公，100分我畀佢90分，10分係進步空間。」準新郎Joe比莊韻澄細5歲，她並不介意姊弟戀：「咁佢好成熟，好負責任同好識照顧我，未開始拍拖都好好，拍拖後又越來越好，下半世我哋都一齊，呢個男人好可靠。」問到可是奉子成婚？莊韻澄否認：「唔係呀！不過我哋都鍾意小朋友，計劃出年生喇，我仔女都鍾意，想生兩個，未來老公鍾意女，佢話想要前世情人喎。」

莊韻澄入紙結婚，顯示她的婚姻狀況是「離婚」，她再次解釋：「係呀，都10年、8年前嘅事，我嗰時27、28歲，仲未入行，對方係圈外人，我嗰時買咗層樓，寫咗男朋友個名，因為釐印費太貴，分手時佢都有畀返層樓我，佢都已再婚仲生埋小朋友喇。」莊韻澄又指跟未婚夫Joe有交代自己的過去。莊韻澄平日最愛性感演出，她謂婚後會繼續幕前工作：「老公接受同明白我，支持我嘅工作，婚後做咗人妻會篩選下，未必再有呢類性感演出，形象可能會唔同。」莊韻澄強調婚後不用老公養，她說：「有嘢做個人先有寄托，有生存意義。」莊韻澄會與未婚夫一齊減肥後才影結婚相。

https://hk.appledaily.com/entertainment/20201030/XP2B77N7FZFOPD2IML7GAULW2Y/

過去来 2020-10-30 12:41:46

改完名再結婚