有冇人講下外國生活有幾悶

無香港咁集中
出去特別少少既地方
無車 搭車已經折騰左大半日好攰
會唔係好想周圍去

凍 下晝4點天黑又係唔係幾想出街 無咩動力做野
宅係屋企食瞓
長期冬眠

鋪頭早收 星期日唔點開
唔係特別鐘意去飲酒既 夜晚食完飯又返屋企

毒撚無所謂啦
不嬲鐘意留係屋企
其實無咩野

無信和高登星際個啲行囉

唔只悶咁簡單
如果唔係住cbd的話
周圍冇人冇商舖好荒涼
夜晚想買野食要勁遠先有一間七仔
住得耐會心理唔平衡

上面好多話無車好唔方便，但有幾多人係外國會無車？
生活係講緊係個度移民定左居返緊工，唔係講緊去讀幾年書之後返香港既人。。除非你係London NY呢d地方可能唔洗車同香港差唔多方便。。。有咩可能無車？

仲有係度嘈行山個d。。。係咪因為香港得山先叫郊外所以覺得外國無山行或者都一定好遠？
其他地方我唔知，但美國無論幾細既地方半個鐘之內一定有好多trials同公園可以郊遊同感受野郊。。。唔係一定行d咩幾多星幾多星既先叫行山。。。

ERRRRR
最大唔同係咪唔洗OT?

講得好岩
係外國想搵返d 識講膠野既朋友真係無

日本算唔算 住緊大阪
今日出心斎橋 人多到路都行唔到
平時放假都係行下山 飲下酒 搵下好食既cafe咁

要點殺

香港（上星期我去元荃古道）




嘩，好似好壯闊自然景觀呀
咁各位望下左手邊



都係樓樓樓樓樓樓樓樓樓樓樓樓樓樓樓樓樓樓樓樓
香港行山真係行山，又唔好講散步，但如果再行近市區嘅山個景觀只不過係上咗另一座國金／ICC咁

而之前去過挪威聖壇山，我終於明白咩叫大自然景，真係喊咗出黎

香港見得人個d西貢大浪灣系列、浪茄灣、半月灣、大嶼山長沙、塘福
巴打示範下係中環/大西北/沙田點樣半個鐘入到去

香港多姿多彩咪又係消費類嘅飲飲食食，不同大商場商鋪都係同牌子嘢，有幾特式？

勁啲ig路過見到啲抖陰片，句句都講「在國外的在國外的」，正一on9仔

我講嘅半個鐘係去淺水灣、赤柱、石澳呢啲，就算喺金融中心出發，短短嘅車程已經夠由市中心去到有啲睇頭嘅海灣，或者去到行山徑入口起步
要世界級認證，龍脊喺外國唔少媒體都有推介，喺筲箕灣搭巴士去山徑入口，講緊幾個字就到，行完返落市區行街落老蘭都夠時間
時間長啲嘅選擇就更多咁解，香港郊區係俾到唔少選擇
唔要城市景都可以去西貢西灣、荔枝窩等等

住外國定義好廣，有人選擇遠離繁囂，住正喺名山大川附近，咁無得輸啦
但為咗生活，有唔少人都係住城市
大城市有唔少都係沿河平地，出發半粒鐘仲係喺平地已發展區行緊，例子多的是


我只係覺得呢方面，香港比下有餘有多
要延綿不絕睇到嘩嘩聲嘅壯闊山河，香港肯定俾唔到，最近都要去台灣
但香港呢種細小嘅郊區，細有細嘅靚法
英國日本啲山區我都去過啲，湖光山色睇到嘩嘩聲
沖繩白濱啲海灘藍天碧海，靚到揼一聲

但返嚟香港睇西灣、石澳呢啲，就挨住沙灘邊已經係幾座綠色嘅山，呢種靚法又真係唔同feel，仲可以先行山後落水玩，唔少地方山河風光幾壯闊、幾好玩都做唔到呢種
完全唔明點解要講到得外國先有乜乜乜，各有特色唔得嘅
去外國睇名山大川，同本地遊山玩水，絕對可以兩樣都鍾意

生活寫意, 徐晃又大, 間屋大到唔知擺咩好

有frd陪你鳩hea仲正

歐洲撚
多數落bar、睇海、行山、煮下飯仔
夜晚有時去fd屋企飲下野/睇Netflix/玩
平時得閒𥄫實機票火車巴士，一冇堂就衝出去旅行
睇吓人地國家啲美術、歷史、科學館
其實係香港仲悶

博物館呢樣就真係外國同香港天與地嘅分別
單係去倫敦，博物館已經多到去唔晒，計埋英國其他地方，仲有巨量私人博物館，幾小眾嘅題材都有
當地人有時間有土地擺喺維護展品上，呢樣香港永遠無可能俾到，呢樣好羡慕

嘩巴打你真你好有見地
好型好有見識仲好好品格，睇到濕撚哂

香港啲博物館頭幾次睇都有趣
去多幾次真係黎黎去去三篤屁
最深刻係哥本哈樓嗰堆博物館，有得睇又有得玩
啲特展主題搞gag得黎又不失認真，真係行都行幾日

係，香港生活仲悶撚過外國