1500黑底灰> 金屬銀（super fine sliver) >Gaia 琺瑯油 光澤白色（1:3 開油比例）
今次結果都係未如理想，可以話係失敗。想要光澤但出黎好似半光澤。
自我檢討有幾方面：
1）噴銀色前應該先將表面做拋光或光澤處理。
2）選擇銀色油 可以用粿粒再幼滑嘅「Modo零」。或者針對銀色去做拋光處理。
3）白色噴塗技巧有改善。要掌握好均勻嘅濕噴技巧。
之前有位師兄講過話元朗有 雙星琺瑯 光澤白色 X-2賣。但我真係唔想出元朗咁遠。所以用咗Gaia 琺瑯油。Gaia琺瑯油可以用雙星琺瑯油溶劑去開油，重點係乾咗後之後可以用返溶劑去「擦金邊」。所以片段中會見到有一部分好似甩漆咁，因為之前用左雜牌陳年琺瑯油乾咗抹唔甩，呢次測試Gaia 係抹得甩嘅。同埋我多手用指甲刮甩左啲油。銀色反而咬得好實無甩。
模型藝術絕對離唔開科學。係息息相關 、環環相扣。就講呢次實驗所用嘅噴筆加上唔同屬性嘅顏料，絕對係機械（物理）同化學 嘅應用。
以科學精神去研究 如何使用非電鍍方式無限接近titanium finish 效果 係我嘅目標. 而準備首次應用嘅作品就係 HGUC 嘅F91. 而揀F91 嘅原因係因為佢夠細粒，表面面積細就相對比較慳油。拿！呢啲咪就係經濟學囉！sing Chui 你話我口模，其實我覺得自己係腦模呀😆
By the way, 我知道自己近排掀起咗話題。但我絕對唔會承認呢啲係錯誤嘅行為或言論。因為我絕對唔會貶低、誣衊、污衊任何人嘅人格同創作。我係想表達 「當站在高達唔會生銹嘅 觀點/邏輯角度時，去睇程現生銹嘅高達作品，就會相對地覺得咁樣有違邏輯」,但我咁表達絕對「唔代表我踐踏緊程現生銹嘅作品」，並且絕對「沒有阻止任何人要做生銹效果嘅意向」，再者我絕對「唔會強逼任何人接受我嘅諗法，亦即沒有強加於人」。姜太公釣魚 願者上鉤。仁者見仁 智者見智。我唔介意你哋考證啲乜將我神打臉，例如貼張陸戰型高達有生鏽嘅封面。但請你哋控制好自己嘅情緒。我預咗有人會唔鐘意, 但因為唔鐘意而產生仇恨情緒 去對我作出誣衊、騷擾或標籤，我睇到嘅唔單止係人嘅智慧同個人修為，仲有人性嘅醜惡。呢啲係唔能夠用模型技術 或者個人成就去掩飾噶。
