隻貓完全唔理我可以點

8月領養咗隻貓返嚟
但到依家佢仲係好驚我
啲貓義工講過佢仲驚就唔好俾佢出籠住
見困佢都超過兩個月
成日夜晚眼望望出去好慘咁
我都已經日日陪佢
又有餵零食
但每次行近佢都會縮埋同擰轉頭
應該點做好

放佢係間屋周圍走唔洗理佢就得
利申 我個隻養咗16年 係呢一兩年先開始理我

俾完零食之後俾手背睇下佢走唔走或者會唔會lam下你咁啦
如果唔得真係要日子有功

唔該巴打
但如果想帶佢睇醫生可以點捉佢
一行近佢應該就會跑走
佢未絕育同仲有幾支針未打

唔理你咪唔理你 食得訓得就開心

佢唔係係個籠度咩 唔係咪用嘢食引

依家喺籠
我指如果放出嚟

你試下放佢出黎,但係唔好搞佢
完全當佢唔存在, 由佢觀察下你先

點解反而驚就唔俾佢出籠
佢敢唔敢行出籠？唔敢就拎啲索滿咗佢啲味嘅嘢，例如佢成日入去嘅屋仔，放去籠出面，慢慢擴大佢個comfort zone。
可以嘅話放多一個佢用過嘅貓砂盤去籠出面，砂盤對佢地黎講係一個好重要嘅嘢，用黎確立地盤。

最緊要打開籠之前盡量封咗啲床下底梳化底之類嘅位，唔好比佢入去，同埋出咗去都要留返個籠比佢驚就返返去。

俾著你俾人困住2個月 你都會嬲啦
放佢出黎 係間屋度俾佢自己哩埋 唔洗理佢
每日check下有冇食到野疴左屎就得
最緊要唔好騷擾佢咁多
慢慢d閪貓就會就習慣左你存在
甚至乎騷擾返你轉頭架啦

其實我都好想俾佢出嚟
但一嚟就係貓義工話再熟啲等佢唔驚先
二嚟就係驚捉唔到佢去打針

所以想請教下巴絲應該點捉佢去睇醫生

放佢係間屋周圍走唔洗理佢就得
2星期後買D小食比佢食
就會開始理你

你逐樣黎啦
一係慢慢擴大佢個comfort zone同埋熟悉人先，有啲貓一出黎就好快放鬆晒， 有啲要耐啲時間同埋用啲方法幫助。困係籠佢唔會同你熟嫁。
一係就夾硬捉/引佢入袋去睇醫生。
邊有得又唔掂佢 又驚捉唔到去打針

好
咁我放咗佢出嚟先
引到就引唔到先諗辦法捉啦

一開始放多啲有佢嘅味嘅嘢，打開門之後行開就得架啦。唔好太過騷擾佢。
附近個空間啲重要嘢記得拎走佢，佢都幾可能會屙尿係附近用黎劃地盤等自己覺得安全。
食嘢時間就放嘢食係籠出少少 等佢建立 出面=食飯=good 呢個idea

下⋯ 兩個月！ 人 都癲

做咩困佢兩個月
畀佢自己出嚟行下行下
佢就做間屋主人啦

第一次養
聽貓義工指示

放佢出嚟，唔好成日自己行近佢，等佢對你好奇自己行去搵你，佢去搵你就比啲醬/零食佢食，之後到佢戒心少左先慢慢摸頭

講緊以上步驟要分幾星期/幾個月做，視乎你情況！

個義工有無養過貓架?
直接放佢出來，佢要匿埋由得佢唔好搞佢等佢有安全感。慢慢建立關係啦。

你又唔係有舊貓係屋 一隻新貓洗咩困咁耐籠
甚至唔困籠都得
宜家你人係屋企就放佢出黎周圍聞周圍跑 夠鐘就餵野食
另外如果你浄係養一隻 個籠既作用係等佢做完手術困佢 唔洗買兩層個啲鳩野 浪費錢浪費位 宜家個兩層籠比我拎左黎裝野