有冇試過冷淡期/俾對方冷暴力

係咪女就越黎越愛
男就越黎越無所謂

唔關性別事
只係對方冇你預期咁愛你姐...

分手我打左段好長嘅msg比佢 結果佢淨係覆我對唔住三隻字 我再覆佢佢都無左覆我 哈估唔到佢乜都唔講唔留我就走左 我仲on99期望佢會留我 真係諗起都覺自己on9

係架
以為付出多啲再多啲 佢總會睇到 總會有回應
結果咪淨係我以為囉

算啦
講分手個個係自己
諗真啲，佢地咁順攤可能係一直都唔點想維繫
只係拖住先姐

屌我都係差唔多
佢仲要話知道大家都有問題存在
只係佢唔去解決
Fk!!!!!!!!!!

呢啲男人食屎啦 等我地仲on99因為佢地唔開心

其實我情願佢真係做啲好過分嘅野hurt我
佢都有值得欣賞嘅地方嘅
但啲缺點真係好鳩...
到分手個陣真係好難離難捨

真阿 我都覺阿
絲打不如留tg傾！

諗起有句：講分手既係我 但想分手既係你

我同我男朋友long d 左六年；當中佢有冷暴力過兩次。

第一次佢好似被外星人捉左去另一個星球咁失蹤左兩三個月。我WhatsApp, FaceTime 搵佢；完全唔應機。之後我都費事去搵佢；然後佢又扮無嘢咁突然出現返。我又無問佢做乜嘢玩失蹤，因為我覺得你要講自己會主動講。

過左兩年幾（係今年嘅事）第二次又玩失蹤大約一個月。之後有一日佢自己send WhatsApp message 來話佢有concerns; 話自己好active, 仲意跑步，但我唔係咁active, 唔會陪佢跑步。

當中仲有發生左一件事：我有嘢要佢幫手，佢唔肯幫。（我有學校收咗我讀研究院，但見領事時，領事唔批簽證）我問佢肯唔肯幫我，佢唔肯。（之前我們一直傾好，我過去讀書同做嘢，我們就可以唔使再long d 可以係埋一齊。佢之前都有話好。）咁我同佢講，若果你唔夠仲意我不如放我走；佢又唔肯。之後扮晒無事咁差唔多日日都會搵我。


最近，我開始改變自己。努力去做運動。（我們都係用Apple Watch 嘅，大家link 左；睇到我仲勤力過佢）

呢一排，佢無失蹤，差唔多日日都會找我同我update 佢自己嘅行蹤。但我心態上已經變咗。已經無之前咁愛佢同迷戀佢。（現在我經常已讀不回了）現在我自己想同佢分手。不過有啲唔捨得，未講到出口。

真呀
佢分左兩個星期左右就追第個
佢同事黎，份工仲要係我介紹佢番
分分鐘分手前已經睇定左

點解唔幫你

我只可以解釋係佢唔夠愛我。

我係去領事館申請student visa, 諗住過去讀硏究院。但被領事reject 左。（領事話其中一個原因係我有potential 讀完書之後留在當地）
咁我問佢可唔可以幫我用fiancée 分份幫我申請過去讀書。佢唔肯。在拍拖時大家講好咗我之後過去讀書，然後搵份工，在嗰邊settle down. 唔使大家再long d.

學校有scholarship, 同埋自己都有儲到錢去讀書同生活費。其實過到去經濟上唔會要佢嘅負擔。

我都試過。WhatsApp, FaceTime, 電話搵都唔覆。初頭仲以為佢有事，會緊張佢。我們long d, 有諗過飛過去睇佢係唔係有事。（現在諗返，覺得自己當時好傻）

我見佢冷暴力，咁我都無再理佢啦。過咗大約一個多月之後，佢自己WhatsApp 返我，好似完全無事發生過咁，好似平時咁傾返計。

以上嘅事已經係大概三年前。

今年年頭佢都試過冷暴力咗大概一兩個月。之後自己又再出現返。

其實我現在已經對佢無乜感覺。對佢好多時已讀不回。諗緊同佢分手。

冇咩需要為一個人改變自己
自己拎嚟辛苦

不過做運動係好事嚟嘅

認同

係真係好難受
但自己要清楚繼續拖落去會更難受
長痛不如短痛阿絲打
我講完分手到而家兩個禮拜佢都係無搵我無覆我無聽我電話
一開始真係好辛苦好難受仲入埋院
但而家睇返佢都唔留自己囉仲辛苦自己做咩