睇住身邊個個開始成家立室,原來ugrad出來幾年就好輕鬆做到m級 / 30k up,但唔包括我。
自己想要求升職加人工,公司就話肺炎拖累所以hold住。轉工見親都係無回音,政府工in都無得in,JRE考左4次都係肥佬,2A3O既筆試更加係10次以上都無面試。
學人半工讀,讀社工個master去洗底轉行考牌,原來條路仲辛苦過以前,人工又未必比醫護之類更好。讀到辛苦又唔太跟得上。
然後試下炒下股就輸返年幾人工出去,原來自己先係傻散送錢俾人果個。
愛情玩下交友apps就熱情倫敦金、無限愛你美容plan。試一排都知自己market內算係中下流既level,無人要都好正常。FB/IG主動搵我既陌生人,都估到係sales,以為俾下希望自己,證明奇跡唔關我事。
去聚會fd搭fd識到岩眼緣既,望完自己既cv同銀行戶口,原來做下毒撚偷窺望下咪算囉。
仲俾人投訴太猥褻唔舒服,下次聚會勸朋友唔好叫我。
如果用60歲就退休既標準,我條路跑左一半都只係人地既1/4既成果。對唔住老豆老母,我唔太夠能力養到你們退休生活,但我盡力啦
想抱孫就無辦法啦
sorry半夜俾大家睇到一個30歲廢中既失敗人生放負。我努力過,掙扎過下,原來能力唔夠就夠,資質平庸就唔好搞咁多野。
明天準時返工。