孟加拉嘅板球超級聯賽吸引一定球迷關注，但另一“”孟聯“”，孟加拉超級足球聯賽，情況相反，入場人數唔多，雖然板球先係孟加拉第一運動，但足球迷人數其實都唔少，昔日孟聯一啲對碰都能夠吸引幾萬人入場。
“”孟聯“”喺2007年開始職業化，但好多自身問題出現，令到入場人數大減，有好多比賽場面非常冷清，如同閉門一樣。
其中一個因素，係現時孟加拉足球迷好容易睇到歐洲高水平聯賽，而孟聯比賽水平低落，又要收錢，唔少足球迷寧願睇歐洲高水平聯賽直播，或者睇板球聯賽，加上孟聯大部分比賽喺孟加拉首都達卡踢，欠缺地方色彩，所以有時一場波得一千幾百人入場睇都唔出奇。
喺幾年前，孟加拉足球進入一個超低谷，連不丹都開始唔驚孟加拉足球，當亞洲盃首圈預賽被不丹淘汰後，孟加拉足球界開始檢討失敗，搞職業化幾十年，仲衰過以前，究竟係乜嘢問題？孟聯內普遍球隊畀孟加拉球員嘅薪酬唔太高，導致好多人才流失，加上其他腐敗問題，令到孟加拉足球墜落。
要解決孟加拉足球倒退問題，唔可以只靠聯賽職業化，但如果有球隊能夠再次吸引球迷入場，對孟加拉足球嘅發展都會有好大幫助，Bashundhara Kings呢支球隊現時就嘗試做呢啲嘢，Bashundhara Kings係孟加拉最大工業集團之一Bashundhara Group喺2013年創立嘅職業足球隊，2018–19正式參與孟加拉超級足球聯賽就已經橫掃球壇，以63分奪得冠軍，本身隊中有多位孟加拉國腳級球員，仲有星級外援助陣。
Bashundhara Kings陣中曾經擁有哥斯達黎加國腳Daniel Colindres，仲有三位國腳級人馬，包括吉爾吉斯國腳Bakhtiyar Duyshobekov、黎巴嫩國腳Mohamad Jalal Kdouh、塔吉克國腳Akhtam Nazarov。
最具名氣級數，係阿根廷前國腳Hernán Barcos，Hernán Barcos曾經4次代表阿根廷上陣，港譯巴高斯，效力過貝爾格萊德紅星、颶風隊、上海申花、深圳紅鑽、彭美拉斯、甘美奧、天津泰達、士砵亭等球隊，去孟聯前效力哥倫比亞國民體育會。
當巴高斯加盟Bashundhara Kings後，唔少阿根廷媒體都有報道，一篇報道指，Bashundhara Kings總裁Imrul Hasan話“雖然Hernan已有35歲，但我們希望他能打出更好的足球品牌。像Cristiano Ronaldo已有35歲，但他表現出色。所以，我希望Hernan也能保持穩定的表現。在與我們俱樂部的官員協商後我們決定購買他。”
當中亦提到，Bashundhara Kings與巴高斯達成為期10個月協議， 每月將獲得2萬美元月薪。
孟加拉足球近年受到唔少衝擊，包括財政危機，孟加拉國家隊教頭Jamie Day就喺dhakatribune專訪中，提到此類問題。
''在足球比賽中，您需要金錢才能不斷進步，顯然我們從來沒有。 也許我們也需要改變孟加拉國足球的結構。 大多數球隊都快沒錢了，他們沒有體系，沒有很好的培訓設施。 這不是短期的事情，而是長期的計劃。 我們需要改變心態。 我們需要為球員提供正確的飲食，正確的訓練設施，正確的體育館，我們和球隊都需要照顧好他們。
我知道這要花很多錢，但球隊需要有U14，U16，U18球隊，他們可以晉升為第一支球隊，然後再進入國家隊。 但過去沒有做過，我不知道將來是否可以做，但是如果我們想孟加拉成功，我們需要做出很多改變並儘快去做。 如果我們做不到，孟加拉就總是會被打敗。''
ps.後來因為武肺，孟聯腰斬。
