話身體有好多毒素 要飲啲人參粉排毒 提升抵抗力 佢話自
己成日飲 依家身體好健康 仲話有個朋友有癌症 飲左之
後排走啲毒素個人精神左好多
我阿媽都好醒 話人參好燥熱 問佢成日飲會唔會有事 佢話
啲人參粉係低溫處理 所以唔會燥 阿媽再問佢話以前都聽
過間野啲人參粉滲左其他粉 佢又答話係其他人假冒佢地
公司
最後阿媽出大絕 問佢人參好地地做咩磨成粉 佢又答粉狀
好吸收啲 阿媽最後都有啲心動 我比左好多資料佢睇
講佢知 飲食正常已經夠晒 做多啲運動仲好過浪費錢去買
粉飲 好地地磨成粉 有滲其他人都無人知啦 阿媽先打消念頭
好想下次再見個親戚果陣串佢 但應該點反駁佢上面似是
疑非既答案？
