[PC]Total War: Warhammer 戰鎚 1&2 (3) | 新DLC預定12月推出

新DLC 12月推出

種族簡介

帝國

戰鎚世界中最強大嘅人類勢力, 由人類史上最偉大嘅戰士Sigma創立, 以信仰、鋼鐵以及火藥鑄造而成嘅龐大帝國。

優點: 各種威力十足嘅槍炮提供強大嘅遠程火力, 亦擁有全game數一數二嘅重型突擊騎兵沖破敵方防線
缺點: 步兵質素面對各種妖魔鬼怪略顯孱弱。

巴托尼亞

帝國以外嘅另一股人類勢力, 文化上與帝國截然不同, 信奉湖中女神並以俠義與榮耀自傲嘅騎士國度。

優點: 擁有全game種類最多最強大嘅騎兵, 空軍亦屬一流, 機動性極高
缺點: 步兵同帝國一樣偏弱, 而且缺乏槍炮, 導致殺敵嚴重依賴騎兵, 好考操作

矮人

為人熟悉嘅古老種族, 頑固自大並極之記仇, 逼切喺各種外敵威脅下恢復昔日矮人帝國嘅榮光 。

優點: 重甲步兵結合各式各樣嘅槍炮器械, 堪稱全game最襟打嘅種族
缺點: 移動速度慢同缺少騎兵嘅情況下導致機動力基本為零, 主要係防守型打法。

高等精靈

與矮人一樣同屬遠古種族, 知曉各種魔法知識, 一直以守護者自居維持世界嘅平衡。

優點: 非常全面嘅種族, 步兵弓兵都屬上乘, 兼且仲可以驅使龍、鳳凰、獅子等神獸撕破敵陣
缺點: 兵種價格貴。

古墓王

曾經人類最強大嘅國度, 於一次邪惡嘅黑魔法儀式之後所有活人於一晚間全部消失, 被埋葬於古墓嘅各代君主及與其陪葬嘅軍隊卻因此而復活, 因此其所在處被稱爲死人之地。

優點: 同吸血鬼伯爵類近, 都係以骷髏為主組成主力再加上各種巨型怪物, 但唔同嘅係古墓王有弓兵甚至炮兵。
缺點: 代價係步兵極弱, 基本只係用作充當肉盾

吸血鬼海盜

由吸血鬼海盗王Luthor Harkon創立嘅不死艦隊, 活躍於Lustria叢林東部海岸, 遊戲中為咗支配海洋而尋找可殺死海龍嘅神器。

優點: 完全依靠槍炮輸出嘅種族, 遠程火力極為強大
缺點: 相對步兵極弱, 近戰經常處於劣勢

混沌勇士

對北方廢土中混沌眾神信徒嘅統稱, 秩序一方嘅共同敵人。

優點: 重甲步兵加巨型怪物, 側重近戰肉搏
缺點: 缺乏遠程兵種

諾斯卡

北方苦寒之地嘅掠奪者, 以不同崇拜混沌嘅野蠻部落組成, 曾多次經海路南下侵掠帝國領土。

優點: 與混沌勇士相似, 同樣著重近戰, 但就以輕裝狂戰士為主力配合怪獸同戰車衝陣.
缺點: 缺乏遠程兵種及近戰騎兵

野獸人

被混沌力量污染扭曲而變異成半人半獸嘅怪物, 以獵殺人類甚至精靈為樂嘅兇殘種族.

優點: 擅長伏擊偷襲, 軍隊以角獸人、人馬、牛頭人等高機動性兵種組成, 亦擅長各種召喚魔法。
缺點: 缺乏裝甲而且領導力偏低

木精靈

遠古時期從精靈一族分裂出去嘅分支, 定居於森林, 熱愛大自然但亦極度排外, 當遇到入侵森林嘅外來者就會化身獵人將其一一獵殺。

優點: 以輕步兵同弓兵為主, 擅長埋伏及游擊。
缺點: 缺乏護甲導致士兵損耗高。

蜥蜴人

比精靈矮人更悠久, 蜥蜴人嘅歷史可以追溯到古賢者時期. 現時蜥蜴人一心只為實現古賢者嘅偉大計劃.

優點: 兇殘嘅恐龍配上強悍嘅蜥人步兵, 十分擅長肉搏戰。
缺點: 軍隊容易陷入狂暴狀態不受控制。

綠皮

獸人與哥布林嘅統稱, 極度好戰嘅種族, 曾多次入侵人類、矮人甚至精靈國度掠劫。

優點: 價格便宜嘅各色兵種, 以數量優勢壓倒一切敵人, 亦擁有強力嘅戰鬥加成（Waaagh!)
缺點: 士氣低下容易潰敗, 單兵作戰偏弱

暗精靈

從高等精靈分裂出去嘅種族, 崇尚暴力色慾等等被精靈視為墮落嘅情感, 與高等精靈內戰分裂後互視對方為世仇。

優點: 兵種與高等精靈類近, 十分全面, 而且有嗜血加成越戰越強。
缺點: 同高精一樣偏貴。

吸血鬼伯爵

令人恐懼嘅不死一族, 佔據住帝國一個東部省份, 一直覬覦住帝國皇位。

優點: 毫無感情嘅骷髏軍團會戰鬥到最後一刻, 加上各種亡靈血獸大大打擊敵軍士氣, 亦擁有強大嘅復甦魔法。
缺點: 完全冇任何遠程兵種, 而且被火焰剋制。