[歡迎討論] 香港教育制度其實好唔錯，學生壓力問題係出自社會度

帶定頭盔先，香港教育有好多要改善既地方，但基本上只要有「機制」、「制度」，點都唔可以完美，因為人創造出黎既野係唔會滿足哂所有好處
但問題係，我唔係好明點解咁多人，甚至所謂學者，都將香港學生壓力問題怪哂教育制度
老實講，係香港依個社會下，你用咩教育制度都係會死

香港學生壓力最主要源自一定要追求成績
讀書唔叻都一定要讀書，讀書叻就更加要讀得更加叻入神科
自自然然學生想唔大壓力都唔得
好多人就好表面咁怪哂家長比壓力、學校比壓力、教育制度有問題...
但好少會討論其實係香港社會令到所有人都將壓力比哂學生

得罪講，全世界冇一個世界可以好似香港咁，做到top 15%已經入到世界百大名校
（根據數據，三大係JUPAS共收生接近8,800人，而DSE考生人數只係53,000人）
就算你DSE失手，你都可以讀返ASSO，一樣有機會入大學
好，當你唔想再升大學，但都想學下一技旁身，咁咪讀HD
再唔係，你真係讀書好差，突然想讀返書一樣有大把野可以讀返上去
基本上成個教育制度係照顧哂唔同需要、唔同目標既學生
就連高中讀書，都有好多唔同科目組合比你選擇，儘量做到根據學生能力興趣去選科
而唔同大部份國家一樣，只有好死板既文科理科你去讀，仲要自由度不大

問題係，就算你三大又點？當社會連三大學生都接納唔哂、三大學生都要乞食既時候
你點可以唔讀書？家長點放心唔比你讀書？學校點放心唔比你讀書？
如果香港社會係接納多元發展，你做收銀都可以買到樓有基本生活，鬼會迫你讀書？
唔迫你讀書，鬼有咁多讀書壓力？
只係香港社會接納好單一既產業，而且只有專業人士先搵到錢，咁咪個個都要讀書，個個都要做自己未必鍾意既工作
所以，壓力來源其實真係同教育制度冇咩太大關係，而係社會問題

另外，好多人話香港填鴨式教育、考試為本，其實外國咪一樣咁讀一樣咁考試
就咁睇返香港教育起源地英國，佢地既教育制度、教育內容、手法已經同香港差不多
就算係美澳，學生其實一樣係咁讀
如果外國讀書真係咁唔同，香港人去外國讀書點解可以適應得咁快，甚至屈埋人機？
又有好多人話香港人讀書（或者成個東亞）都係好死板，做研究就死得
但外國名校PhD/做研究既一樣唔會缺乏東亞人、香港人既存在，大家一樣係做得好好睇睇
關咩香港教育缺乏創意、填鴨式事？

反而衰d都要講，有好多香港學生因為讀書唔叻，就怪哂係香港教育問題
以為自己去到外國就會有人欣賞、有成就
先唔講外國都唔係真係咁多元，唔係真係個個國家你咩學歷人工都差不多
而係你係香港讀書讀唔好，其實外國讀書一樣唔會讀得好
只不過外國始終對低學歷既人有比較好既待遇（但你讀大學／專科始終都係高人工d）、夠生活
咁所以根本唔洗一定要死讀爛讀仲要做自己唔鍾意既工

係micro層面，當然香港教育以至外國教育都有好多需要改善同注意既地方
但係macro層面，根本香港社會係扭曲到無論你係用咩教育制度都死
諗深d，其實好多時d讀書壓力真係唔係教育問題，而係社會風氣
當我地甚至d學者都只係識得怪教育制度，就冇人會為社會既不公義發聲架啦

TL DR

華人劣根性冇辧法
教育本質應該係比學生發掘自己嘅道路同個性
但去到華人社會，就變咗科舉制度
而有科舉，就有操練

都係個句，考試制度都唔係華人劣根性既問題
世界上大部份國家都係以考試黎評估學生讀書能力
好多人覺得香港好單一只係睇成績，講到外國升學唔睇成績咁...
而要考試考得好都一樣係要靠操
外國你要讀名校，一樣要讀書好、考試好、識背識諗識操

問題係，大部份國家你就算唔讀名校甚至唔讀大學
你既生活都仲有一定保障
生活當然冇專業人士、大學生易，但唔會誇張到連屋都租唔起
當一個基本水平既人都足夠生活，自然唔會個個人選擇讀大學
唔會個個人選擇迫自己讀好書，家長都唔會咁唔放心子女冇讀書生活唔到

講到尾 香港塊餅太細 人太多 同埋發展唔夠多面化

請問你讀書係為左揾錢。定係興趣。

當如果香港係一個咁既城市（比較接近既係瑞士）
你做基層文員，收入有$20,000
你做一個護士，收入有$30,000
你做一個醫生，收入有$40,000
你做藝術家，收入唔穩定但仲有機會你去發揮
做科研、做作家、做咩都好都有你發揮既地方，都有夠你生活既收入
租樓只係要一個月$3,000，買樓只係$2,000一呎
你估香港仲有冇人有咁大讀書壓力？

倒轉睇，既然d人講到香港教育咁失敗
又有冇人真係提出過可以點樣改善教育制度令到香港學生壓力下降？
冇
點解？
因為壓力唔係來自教育，而係社會，你點改善教育制度都好
學生壓力都係會咁大

再睇返歷史，以前香港教育制度比起依家更冇彈性
點解我地父母個代ｄ人讀書壓力咁細？
因為你做文員都買得起樓、生活到

冇工業 冇農業 冇IT 冇文化產業
一車車走去讀D冇貢獻又悶既BBA
但讀完出黎又冇乜野

冇錯，講到尾只係為左子女將來有好既收入
好收入一定要讀好書
讀好書一定要入名校
入名校一定要學好多野
最終子女咪變成咁

香港係極端資本主義社會，人只會根據你既錢黎分高低
所以你要做到「高」既人，唯有讀書依條路先可以有更多機會搵到錢
自自然然係唔係都要死讀爛讀

咪就係因為香港容納唔到「興趣」
大把人既理想係做設計師、做作家，香港可以容納到咩？
我唔敢講其他地方都係完全容納到依ｄ人
始終係資本主義發達既社會，都總係有人會搵得高人工ｄ
但未至於你搵低人工連居住都成問題

所以，香港人係唔會追求到興趣
你好彩，你既興趣係搵到錢而且你有能力，你咪會好開心
你唔好彩，你既興趣係搵唔到錢，所以迫住要讀ｄ唔鍾意既科，你又點會開心？

首先要搞好社會保障。唔洗為老豆老母養老煩。唔洗為住屋煩。已經差好遠。 之後嚴格控制教師質素。除左大學之外。仲要睇得出佢有教學既熱誠。最後。內容一定要教識學生獨立思考既能力。

同埋，讀書期間。老師係幫你讀大學。揾份好工。唔係所謂因材施教。況且老師呢個本身都係一份高收入但都要跑數既工作。我的志願，當年都俾老師批不切實際。唔腳踏實地。

追求夢想就梗係有d離地架la，但做老師既，係應該同學生分析,提供方向，方法。鼓勵人去追夢。唔係話追求夢想係不切實際。

其實都係產業單一同職位問題香港幾大經濟支柱除左金融銀行同專業服務以外基本唔需要好高學歷人才
所以一黎肺炎 零售同旅行就即刻奶野香港唔係話完全無文化產業個d 但機會太少競爭又大 淨係講八大每年都唔知有幾多乞食文科grad社科同晒銀時都係咁話啦 讀完好多都係做d junior文職位
不過香港比起日本同韓國好嘅就係 其實大家生活指數都係高 但勝在好過日韓d社員制好多u grad真係入唔到大公司待遇真係麻麻 晉升呢d睇入職年資

老師教你出去暴動 你坐完監出黎人生更精彩 都唔係教育問題

所以獨立思考能力，係要由小就建立。無呢樣野。只會人地話乜就乜。你要搞革命。做老師既，咪叫你睇多d 歷史書，政治家既書。老師提供方向，路點行，由自己決定。

我個時話想去考古，個老師叫我去做地盤...

D書係咪真都唔知啦 一句到尾 唔係自己經歷 親眼見到既 都唔好信到十足啦下話

問題是香港的中學教育教的東西是連大學教授都話唔知教乜，讀書是追求真理唔係背應付考試的無意義資料。

搞到依家d人以為自己DSE高少少分就好威威，根本就乜都唔識，出到嚟人工低就覺得好委屈，高分低能當然只有人工低的工。

利申：曾經讀過三大pure science

讀好書>入神科>搵好工>有好生活
個logic大概喺咁