感情問題有冇人可以話我知點做最正確？

絲打角度睇 唔安慰你唔通由你咩
只可以講佢唔憎你

傷口 有一邊一定會受傷 佢嘅裡世界已經崩壞 再keep 只係自heihei 人

聽番最後既回覆：佢本身話有諗住keep 少少回覆，但我一直急住補救，反而比左好多壓力佢，所以都係唔溝通係最好。佢覺得最近選擇分開係對我最大幫助，一來我天生懶開，佢想借今次事件比更多動力，警惕改變我。令我成長更多，都唔好考慮佢太多，諗佢太多，要為自己將來著想。如果要遇番，點都會遇番，但一定唔係短期內既事，所以大家一齊努力。佢都知道我份人好好皮性，但真係步伐唔一致，同埋最尾相處時間磨合唔到，所以都覺得冇辦法，咁大家好好保重。

有冇人指點下？

其實後面既所有答案我已經諗得好清楚，
咩分手原因，決定復合，確保自己做到咩改變通通都諗到一清二楚。
暫時係努力比心機改變先。
題外話，應唔應該比佢知道我為佢改變，有時會好想唔覺意post動態比佢睇到？
工作上，運動，好多事都好比心機，但就係忍唔住會想比作知

我下面都有講佢最後比我既語音對話，唔知係放手定觀察狀況

同你一樣
辜負左男朋友好多次
見住明明當初佢到想一生一世
到依家佢完全係放棄狀態講左好多次分手
最近我都重新要諗 自己到底想點
好想搵返佢 但又要好好審視自己改過 唔會故態復萌
最痛苦係 即使你諗到咁遠都好 佢都未必會返黎

到依家都未訓到
野又食唔落
就黎可以練仙

明白個種痛，當反思到忽略佢時間咁長，我心裹面就愈心疼。

你唔會真正改變到
只有完全放開呢段感情你先會真正改到

有時會諗完全放手，就順天而行。但人總係會想用自己既手去爭取。
暫時我都冇搵佢，都算比大家空間

如果有心改，一早改好。你連想復合都慢慢諗，兩星期後先醒覺，你搵番啲慢版嘅人一齊生活好過啦，唔好累咗好女仔，除非你可以聽日改晒壞習慣，並堅持。

你養既動物死左 你都會不捨啦，近何況係人

係女友，認真分手斷聯第三日，講分手已經三個星期

如果可以就修補啦
你所謂嘅為佢好放佢走只係想佢幸福而自己又唔想努力
只要你唔再傷害佢多一次
其實改變唔係為咗同佢一齊返
而係唔背叛自己曾經應承過佢嘅嘢
就好似佢話想我唔再咁小朋友
我雖然冇應承會做到 但係我都有慢慢學點做得成熟啲
因為承諾係一世架 我話咗會永遠咁愛佢 就會學點樣成為佢期望中嘅人

你個名

辜負左男朋友好多次？例如呢

通常呢啲 case, 要佢搵唔到新伴侶先死死氣地同你起番埋一齊。

你家陣迫緊佢埋牆，你根本想擁有佢多過愛佢，你口口聲聲愛佢愛佢愛佢，但係咁lur晒地俾壓力佢想佢俾返擁有權俾你。
佢想要個空間抖下氣好好冷靜下思考下呢段感情。
你潛意識就進入"冇我批准你唔可以咁做!"
跟著日日夜夜煩佢，佢又係衰，應該一早block你最好。

你根本就唔夠中意佢，復合都唔代表你真係中意佢，似係內疚多啲...
就算修補，就唔夠佢一開始，什至一直累積落嚟到你嘅付出。你係真係中意佢，一早去馬啦，仲會係到問

人 係要失去先識得珍惜

雖然你岩岩散 情緒一定好唔穩定
只會成個腦諗住點解佢要走
點樣先可以復合到
點樣先可以留住佢

但其實你而家最應該要做既事
係冷靜番自己既思緒

如果你真係愛佢
你第一樣要諗既野
唔係點樣復合

而係企係佢角度諗
點解佢要講分手
係呢段感情既日子
你自己到底做過d 咩 令到對方唔開心/失望

其實佢講分手都唔係一時衝動架啦
佢都應該係忐忑左好耐 去到極限 先會同你講
如果你宜家心痛
咁佢應該痛左比你多1倍或既更多更多既時間
痛到無力再捉緊 所以先會放手

所以 如果你仲愛佢
暫時放手 比大家分開一段日子
而自己再係呢段時間改善下啦

每段愛情都可以令人成長
如果真係有緣 既話
你地總有機會可以再一齊番

如果我仲鍾意你 會受落
如果我死左心 但仲當你係朋友 會為你高興
（復唔復合到另一回事）