特急 求救 關於假天花問題。。。

假天花上面連批盪都唔批

先唔講咩合約有冇寫明,
點解要做假天花先? 做假天花嘅主要原因係要遮住天花上嘅喉管, 咁既然都已經係遮住左啲唔好睇嘅野, 點解仲要整靚個天花/牆身? 如果你想個真天花靚, 咁點解要做個假天花?
如果你嫌鋁質假天花唔靚, 其實你可以用石膏板做, 而家基本上新樓都係咁做, 之後留返個生口做維修檢查, 生口以上基本上都係冇任何修飾
所以點解就算合約有冇寫明都好, 假天花以上一向都唔做任何修飾, 除非你特別要求做....但講真做左又如何, 你又睇唔到又冇幫助

Diu 你 玩假膠就出聲啦

要搞清楚係講明 做假天花油漆 定做全屋油漆
正常裝修佬認知全屋油漆係做見光位

不如樓主又講下油漆呢part佢收你幾錢 睇下價錢係咪包左假天花油漆

我啱啱裝修完個假天花對上都係乜都冇搞

假天花以上唔做係工程慣例，你話岩唔岩，偷雞呢啲有爭議既事實我唔評論...
視乎當初點傾，只不過講返行例係咁...

你想咪扣9佢錢 或者叫佢其他位做好啲，個心都安樂啲囉。

一手樓假天花上面都係無飾面 係水泥牆 唔好成日疑神疑鬼覺得佢呃你 有d人有油或舖磚只係自己屎忽鬼

不嬲假天花上邊唔油架啦

我屋企幾年前裝修都係話全爆，同你一樣發現假天花上無整過，當初又係心中有條刺咁。但用左幾年真係覺得佢整黎其實無用，我真係唔會望到，就算你話佢好舊其實都無咩影響整完個實用性真係0

正常我報價一定同個客講明假天花上面做唔做

呢位巴打解得好清楚
正路裝修做油漆都係做見光位
你要做埋假天花上面無話唔得
無謂同曬錢咁解
樓主應該第一次做裝修
同師父少少溝通誤會啫
唔係有心呃嘅

你一定要做番咪同師父講
補番些少錢囉 （我斷估師父唔會唔收你錢）

樓主同師博有冇傾過，如果冇講過你就咁寫全屋油漆，冇邊個會特別同你油埋個假天花頂。
如果你差唔多埋尾就由佢啦，天花通常行先，你最後先補整到其他野就唔好。

要鏟足但唔應該批灰油油
做豪宅裝修既標準係咁

正路都係唔會油 唔係做假天花做咩
你唔洗覺得比人水左 我諗9成做假天花既人 天花頂都係唔會點搞佢
真係好正常既事黎 你睇多D 其他單位就會知 我自己睇好多新樓 豪宅都係一樣 你應該在意佢手工果D 今次當學左下野lor 如果你真係好在意咪同個師傅傾下

一路做果陣你冇定期上去睇？

裝修講全屋油油都唔會包假天花面
正如廁所牆身會鋪磚，佢唔會同你油左先鋪一樣道理
可能師傅以為你知，所以唔會特別講
同埋廁所假天花會入水氣但好難走會焗住
你入面批埋，3，5年好易甩
到時成塊灰跌到假天花塊塊都係其實仲難清

好聲氣同師傅講, 如果有咩outstanding野可唔可以幫手執少少
好黎好去
又唔使講錢傷感情, 二來師傅條氣都順D
同佢講扣錢, 佢唔老黎上黎係假天花上面D喉唔知做咩手腳, 你又唔識搵唔識整仲煩

唔會采你啦
樓主話已經完左
唔係話打條玻璃膠呢啲簡單嘢
依家先話再搵個油漆佬上去幫你做嗰忽仔嗰幾工錢點計
佢實會話我做油漆嗰時你唔講，依家要特登叫人返嚟搞