《薩爾達傳說 曠野之息》新手、高手、新入坑、重玩、等候無雙同續作討論區

我睇你嘅回覆，我唔知點解你對隻 game 成見咁深，其實你覺得欠缺嘅地方，隻 game 全部都有。

驛站可以 call 馬，買賣嘢，接任務，有食譜睇，有寫咗傳聞嘅書，可以煮嘢食，可以過時間，有免費武器執，有啲仲會有木材水果等等嘅簡單素材。

隻 game 都可以升級自己間屋同買裝備，不過唔係喺驛站啫。

NPC 係成隻 game 嘅一大賣點嚟，佢地係有自己嘅生活，唔係為咗俾你接任務先存在，佢地係呢個世界嘅一部份嚟。佢地日出而作日入而息，落雨行雷會識搵瓦遮頭，遇怪識走佬求救、有武在手嘅識反擊，見你在旁邊又唔出手仲識責怪你添，而因應你唔同嘅行為（無著衫、手持武器、扮怪等等）會俾出相應嘅反應。佢地嘅對白係唔多，但貴精不貴多，好多都講咗啲探索嘅 tips 俾你（回憶地點、附近值得探索嘅位之類），絕對唔係佈景板。佢有唔同性格同遭遇，要了解佢地要靠觀察，唔係靠睇對白。如果你有興趣聽，我可以舉到好多例子。

你提到射動物出肉，打獵係都係出肉，但肉有多種用途喎，可以自己食嚟補血，可以整料理，可以賣錢，仲可以做任務同餵狗拎寶物添。你咪話驛站瞓一次好貴嘅？賣咗五舊肉可以瞓 6 次了。各式各樣嘅昆蟲全部都係功能食材可以整藥水架喎？

樹木可以爬高遠眺、跳落嚟製做 bullet time，可以執鳥蛋，可以摘水果蘑菇，砍伐可以拎到木材；草可以放火飛高，斬草可以拎到米、小麥同其他功能食材；搬石頭有機會拎到錢、寶石、各類昆蟲小動物，仲可能唔覺意搬起咗隻小石怪，最最最重要係可以拎到呀哈哈嘛。

要熟練咁用炸彈時停磁石冰柱係有 learning curve，但係必須亦係值得的，佢唔只係 for fun ，佢可以用嚟解迷、收集材料，或者成為攻擊手段同移動手段，仲係強力嗰隻。有創意嘅高手甚至可以整到隻飛艇出嚟，唔係用 bug，只用環境物品同石板功能就得。

如果用個水源嚟做例子，咁呢隻 game 莫講話有嘢做，簡直係多嘢做到做唔哂。游水唔使講啦，仲可以捉魚、吹木筏、打撈寶箱、攀瀑布、玩小解迷拎呀哈哈，唔同區域仲有各自特色，火山有溫泉，可以浸可以整溫泉蛋，雪山嘅水源係致命冰水，但可以用嚟幫食材增加降溫效果。

上面所講嘅嘢係我自己發掘到嘅好玩之處，肯定仲有好多係我未知道嘅。

隻隻 game 都有人唔鍾意，呢隻 game 嘅缺點亦唔少，但佢係以細緻同互動見稱，要數佢真係有排都唔會數到無嘢可做。

我自己亂估，係咪因為隻 game 唔係直接將所有嘢講出嚟，係要玩家自己發掘，所以令你覺得咩都無咁？

重差一個神殿
睇攻略對住地圖搵都搵唔到差邊個
強迫症發作訓唔著了

留名 之前仲未有中文玩到中間停左

今晚返去飛晒咁多個神殿睇下

望地圖都得，未解嘅會半藍半橙。

我都係呀 正情唔識點騎 又傳唔到彎 傳送又傳唔到
放左係卡卡洛村 無理過

騎馬只for開新地圖用

我新玩都有買dlc 但地圖未開哂
林住遲d 開多哂先緊裝

玩左右下角個荒島過三關, 無裝下用炸彈屈死隻boss拎粒珠

果關真係好有創意

太耐無玩, 係咪藍色同橙色既分別
如果顏色有分別我好肯定自己無miss

去過未解係藍色中間有橙色

老老豆豆我覺得真係得witcher3同skyrim可以同zelda比一下

仲有咩game做到呢個水平

有d回血食譜唔使用到5粒榴槤直接升滿血

無裝備個島
我個時係登島前整冰柱放低左幾把武器先上島
D裝會係返地下比你執返，不過玩完個島會無左

哇

有無方法可以快d 搵錢，窮到要打獵炒送賣

你引隻大boss去中間有個有細怪嘅平台

走咗上去佢只可以掟石，仲有條柱必定避到，掟炸彈屈死佢

果關臨上岸掉左2把皇家劍落水
上到島用磁石拉返上嚟

仲有隻玩法去右邊山清怪，執把廢劍，飛上boss身，直接斬條珠嘅繩就會甩出來，跟住走人就得

無雙唔係續集黎？