求識印尼語既朋友打救，懷疑女友被屋企人落降頭

是咁的，本身同女友一齊左八年。女友係獨女，我同佢家人無深交又無交惡，基本上無聯繫。最近已到結婚階段，所以同女友夾份係外面租左個單位。因為佢係單親家庭，所以佢屋企人好反對。我女友都同佢屋企人傾左好多次，佢屋企人情緒愈黎愈激烈。

我女友都表示佢屋企人搵左個法力高強既人去阻止我同佢一齊。而就係昨晚我女友俾左一段錄音我，入面係用印尼話溝通，一開始聽到叫我女友飲兩淡啦，而我都聽到女友有飲到（好心痛，咁既老母就咪L要啦，我聽到好無助，乜都做唔到）,跟住聽到用鮮花拍下佢，我女友好似成身污糟哂，係度叫，佢老母就話一陣都沖涼啦，唔好嘈。聽到佢講咩（嬲仔水花拍下佢）又講咩（花心擁）（盧仔水）（疾仔）（鮮花）（心心）跟住俾佢食。

有無識印尼話既巴絲打可以救下我。

我唔識印尼話
不過我覺得你擺段錄音出嚟應該會好啲
就咁睇你啲字邊個會get到啊

入面有佢名，唔想暴露左佢身份。

佢屋企人反對原因係咩先
有咩理由會咁樣對自己個女

聽咗會唔會落埋降頭

因為佢係單親家庭，得佢一個女，佢屋企人唔想個女走左得返自己一個。

你女友呀媽係印尼人？
係嘅真係唔出奇，印尼鄉下啲女人個個都識落，對佢哋嘅講好平常

應該唔會，我聽到要飲野+整污糟個身

好恐怖

反對你地一齊係因為唔想你女友搬走？

係呀，我女友都表示以前八歲？總之好細，試過俾佢帶左一個地方，有個人按住佢頭講一段野，女友好痛好難受，最後頂唔順一個人跑走左。而家入廟會頭暈唔舒服。

傻仔有第九行動組保護嫁

感謝

唉，都都要搞嫁啦，唔通由得佢咩

係，一齊差唔多十年都無乜特別，係最近租左單位準備搬出黎就出事。

搵師傅搞，但自己呀媽落唔知啲師傅做唔做得

咁佢地無飲野同整污糟個身嗎

我知呀，所以上黎睇下有無囉。

我試下cut完俾你，感謝你