應唔應該轉工

小弟係今年fg 搵到第一份工

人工唔錯老細同事都幾好人肯用心教我

但係我覺得做既野好悶同冇意義 想搵份自己真係鐘意既工

大家建唔建議搵份新工

支持辭職搵人生意義

以為自己開post

有冇心水工先
搵工幾時都可以搵

只有貧窮先會知道自己人生既意義

支持

又未去到人生意義

只係想搵份有滿足感既工

支持
不過至少做一陣學好基本職場skills先
要target 新工都容易啲

唔一定要改變世界 只係想自己番工嗰陣覺得開心

所以問題係而家呢份人工唔錯但係唔開心vs人工低但係開心

我都好想轉工 但係呢個時勢好難搵新工

比你份工我啦 我淨係唔想ot

屌
我都係今年fg
仲未搵到工 生活又要洗錢 呢舖真係含撚

一定揀開心

如果因為唔好意思講辭職而留低，會累自己一世

我覺得同事同老細好，已經算係咁，如果同事日日西你面，老細又唔肯教，都真係幾難頂

我係做到pk攪唔掂想轉。。。

點為之唔悶有意義？
你理想中嘅工係咪真係存在？

你首先搞清楚返工嘅目的係搵錢定係開心

其實你fg
去到邊人地都唔會比d咩好有意義既工作你
肯定係由d好基本既野eg影印
Copy and paste 既重複機械性工作開始
職場新鮮人首先要證明既唔係自己有幾勁幾smart
而係自己既穩定性(日日準時返工/唔會成日請病假/deliver到穩定既表現),跟住係有交帶/上心仲有attention to details，有左呢d基礎人地先至會覺得你係可靠，放心交d重要d既野比你跟，然後你先至會有空間去衝。所以如果你覺得你宜家負責緊既工作無意義，其實呢可能係要比多d耐性，因為career係一場馬拉松，唔係幾時都適合衝的。

另外既然你收得人工做宜家手上既工作，佢就一定會係某個位add到value，否則根本唔會create你宜家呢個位出來，你可以嘗試思考下你既工作究竟幫公司add到咩value，同埋點樣可以再add多d，或者你亦會藉此搵到自己既工作到底有咩意義。

再唔係既，聽你話老細都幾nice同願意教你，有無lum過主動舉手爭取參與你有興趣既工作範疇?一個好老細係會在意員工做得開唔開心，係公司係唔係能夠大展拳腳，更加會欣賞主動爭取機會既人，就算佢真係唔肯比呢個機會你，至少你可以請教佢，自己有邊方面未達標準，來緊可唔可以朝住呢個方向進發。

香港地打工，搵到好老細係唔容易，FG既第一份工梗係十分之緊要，雖然我唔知咁多細節，但我覺得你應該充分地explore左你呢份工既空間先，確定真係同自己唔match，先至疊埋心水搵下個機會。

支持

工作安穩好緊要
其他時間
就可以做你喜歡
或有義意的事上
不一定要兩者合二為一
分開有分開好