Q & A
Q：隻GAME玩咩？有咩特色？
A：「囡囡、塔防、爆衫」，幾百座日本以及海外名城化身為城娘囡囡、等你運用智慧係每一關唔同既地形入面佈置守城、
不幸敗退的話，會有爆衫畫面。當升到68Lv之後，體力會達到288，就可以24小時先清一次體。而且隻Game以動腦筋挑戰為主，唔需要農素材、活動任務唔特別肝，絕對係一隻輕鬆養生遊戲。
Q：隻Game出左幾耐，依家先玩會唔會太遲？
A： 由PC版 Re: 開始計4年、由IOS/AN版計2年。但因為係單機遊戲、無任何PVP性質，所以幾時開始玩都無問題！而且2019年3月開始，7星既機率由1%加到2%；6星既機率由3%加到5%，反而遲玩仲易D抽中罕有既高星城娘。
新手依家開始玩有4周年自選7星劵，最強力既城娘都可以免費入手！
Q : 隻Game有無需要課金？
A：除左End Game難度既「超難～真武神降臨」之外，其他絕大部份關卡都可以用等級輾過(聽講係)，只要清楚了解每一個城娘既特性、升高Lv，因應不同關卡適當組隊伍的話，用5星主力隊都可以無問題。
而且主線任務23 『百万一心 ～安芸～』以及49『第六次川中島合戦 ～信濃～』當中，如果可以在本陣不受任何攻擊情況之下過關，就可以得到7星名古屋城/彦根城/大坂城 (3選1，每關送1張、共2張)。
Q : iOS / Android / DMM 三個平台既石係咪互通？
A : 三個平台既石係獨立既，但係用另一個平台開Game只會隱藏原有平台既石，而不會清零。(聲明：直到2020年8月都仲係)
Q : 隻Game有無天井？
A：有，係一個最佛心既天井。因為每一次10抽都會得到10粒千狐珠，千狐珠可以無限期咁樣儲，唔會過期。儲夠300粒就可以換一隻當期既7星城娘。
Q : 有無需要刷首抽？有咩推薦既7星城娘？
A：刷又得、唔刷亦得。遊戲入面有好多強力既5星同6星，足夠你破關。即使唔刷，初心者登入獎勵中第7同14日送既兩粒6星築城石，再加上周年自選七星卷，最少都有2隻6星同1隻7星城娘。
如果以強力7星為目標，新手初期有機會拎到既七星來源有以下幾個:
無料10連抽，總共40連抽 [完成「天下統一」(主線任務) 既第二關]
招城池 (除週末復刻池之外，所有招城池頭十抽都係25石，其後每十抽50石)
四周年七星自選卷(可以去賣店右手邊搵四周年無料Banner, 禁落去就拎到)
主線 (23章殿無傷) 三名城自選卷 [建議次序: 彥根 (如缺打氣城)/大阪 (如缺奶媽) > 名古屋]
建議係無料40連抽後和抽完1-2次25石抽後，根據已有7星再判斷七星自選卷揀咩。
強度可以參考超人Tiga 巴既心水：
(只論強度的話江戶係你既最佳選擇)
Q : 隻Game實際點玩？
A：將最多8個城娘編入隊。出戰時，以守護本陣既殿為主要目標、守護係戰場四周既蔵為次要目標(特別戰功相關)。唔同既敵人，會以唔同既路線進攻，就靠你係戰場上配置既城娘、去阻止以及擊殺所有敵人既攻勢。呢隻Game最重要不是城娘的星數(雖然也重要)，而係如何恰當配置城娘，反覆鑽研每一關敵人既特性同路線，做出最適合既佈陣，先係呢隻Game最大既樂趣。
Q：應該點樣組隊？
A：城娘有分近戰(企紅格)、遠攻(企藍格)。一般情況係出3隻近+5隻遠。但亦會因應唔同情況調整。
關於唔同種類既城娘介紹以及組隊教學，請參考巴哈攻略。
Q：點樣升城娘Level？
A：當感到卡關既時候，除左方法用錯之外，更有可能係城娘等級唔夠。
最基本升LV方法係出陣（可以留意有「城娘雙倍經驗」出現既關卡）。
但最有效率既方法係透過食神娘卡去升Level。其中ツバサ(特)可以一次過提供30萬經驗值、相對應星數既コマネ，可以一次過提升60萬既經驗值。而呢d神娘既入手方法，包括月次任務報酬、某些任務既達成報酬、或者課金等等。
Q：咩係限界突破？
A：「限界突破」就係提升等級上限，每突破1次，上限就加10級(另外解封1格施設位)，最多突破4次。可以透過食同一角色、或者對應級數既羅紗達成。
Q：咩係改築？
A：「改築」就係將原本既星數加1 (即係原本5星改築完會變6星)，暫時改築只可以做一次。改築有機會影響特技既加成、甚至計略都會有唔同。而5星改上6星、2星改上3星，都可以多一段既巨大化。改築可以透過食同星級既城娘/相應星數ススキ (7星食7星x1 / 6星食6星x3 / 5星食5星x5 / 4星食4星x7 / 3星食3星 x15) 。
每次限界突破/改築前要睇清楚，限突係"合成"到做，改築係"改築"到做！
Q：點樣入手改築材料？點樣利用4-6星作為改築肥料？
A：請參考巴哈專題文章：
https://forum.gamer.com.tw/C.php?bsn=26608&snA=963
Q：咩係巨大化？
A：係戰鬥當中，消耗氣力，令該城娘強化，大部份城娘係巨大化到最高一級既時候，會發動特技(亦有每巨大化一次、就發動一次特技既例子)。另外係2020 年1月實裝既本城 (或稱書城) 有個別既巨大化機制：放置於場上後過一段時間就會自動巨大化一級，無需消耗氣力。
Q：咩係特技？
A：如上面所講，通常巨大化到最後一段，城娘會附加一D強化加成 (加攻/加速/加血/加範圍/ETC)，又或者反過來削弱敵人。
Q：咩係編成特技？
只要加左該城娘入隊就會提供編成特技既buff。除本城外，大部分城娘都沒有此特技。
Q：咩係計略？
A：相比起特技係被動、計略就係主動用。可以係增強隊友、削弱敵人、直接傷害敵人、輔助氣既增加等等。發動後會有CD時間。一般城使用計略都要用氣。但本城 （書城）係無需用氣，而且CD 一般較短。代價為每場戰鬥有可使用計略上限，同埋本城係唔會主動攻擊敵人既。
Q：唔同既特技同計略點樣互相重疊發揮？
A：可以參考巴哈既介紹：
https://forum.gamer.com.tw/Co.php?bsn=26608&sn=1006
Q：咩係打氣城？
A：戰鬥中，氣係最重要既消耗品。放城娘會用氣，巨大化會用氣、用計略亦會用氣。所以能夠輔助氣增加既城娘就變得相當重要。例如 柳川(改壱)、彦根城、臼杵城、備中松山城和平安京等等。基本上組隊入面最少都會放一個打氣城。
新手會特別推薦3星既鹿野城。入手簡單，唔需要改築已經可以直接上場。
Q：地形有咩影響？
A：每一關都有專屬既地形、
如果派出同巨大化相同地形屬性既城娘時，消耗既氣會降低。而且耐久/攻擊/防御都會變成1.3倍。所以玩到後期高難度既關卡時、組成適合地形既隊伍就會有好大影響。
Q：戰鬥中有無咩特別技巧？
A：必學技巧之一係「避雷針」，某D城娘既計略係設置物(又稱TOKEN)，由於TOKEN可以放係地圖上面，而又會吸引敵人「優先攻擊」，所以面對強大敵人既時候，為左避免城娘即時受到傷害，可以係敵人起手之前，係附近放一個TOKEN，令佢果一下直接攻擊TOKEN，換取更多時間消滅敵人。呢個技巧就稱為「避雷針」。
另外值得一提，敵人會優先攻擊範圍入面最後放置既城娘 (TOKEN亦計算在內)。所以可以考慮先放低防既遠攻，最後放高防既近戰/盾城。
最後，妖怪系敵人會受到歌舞城既100%傷害。飛行系既敵人，會受到弓城更高既傷害。
Q：入手既城娘同武器應該點處理？
A：城娘的話，1/2 星絕大部份可以安心做肥料。
3/4星有部份是值得保留改築練上去的，例如：鹿野城、柳川城、鶴ケ岡城、山科本願寺、島原城、佐賀城、鹿児島城、浦添城、与板城、石垣山城、四稜郭。詳情請參考巴哈的攻略介紹。 5星開始要謹慎處理，想清楚那一些值得改築做主力、那一些是用來做改築的肥料。6星7星、建議即時使不是主力、也暫時留下來，將來再決定是否要來做肥料。
而武器的話，開頭有咩用咩。3星為過渡期，最終主力武器為4星及5星。
Q︰送禮有咩作用？
A︰送禮可以增加城娘好感度，每增加1點就會提升城娘0.1%生命值、攻擊力同防御力，最高提升10%能力（改築後就20%）。好感度升到30同60，會有小劇情，揀啱答案可以額外提高5好感度。
好感度問題可以去
https://scre.swiki.jp/index.php 到睇（見到有省略號九成都唔好揀）。
好感度升到100就會送3星4星武器，揀啱答題嘅話送+1武器。
城娘改築後，好感度上限提升到200，第一次升滿嗰隻城娘好感度會送靈珠，1-5星送1粒，6-7星送兩粒，所以多餘嘅城娘記住唔好即刻拎去強化或改築，改築咗先好食。
Q：咩係施設？
A：類似可裝可拆的「強化部件」。每一次限界突破之後、也會解封一格施設位，最多4格。可以選擇喜歡的裝上去，以進一步強化城娘。但要留意，同一種類的效果不會疊加，例如：1格裝了+10攻、另1格裝了+12攻，最終只會是+12攻(取最高值)
Q：有時玩玩下彈Game，或者去到某d位就Load唔到，可以點？
A：可以試左清Cache先(入game右上角)，再唔得就
先綁定左DMM，再成隻game刪除後重新下載安裝。
Q & A 始終包唔晒所有既內容。歡迎大家一齊交流。有問題的話，隨時有老手玩家解答。
總算補埋山城戰功
盾城
