黑店體驗實錄，我先, wall street english

（話說呢篇文我喺香討po過，但最近發現被刪，咁我惟有寫多次囉）

以下是我光顧呢間所謂英語學校嘅經歷

話說我喺三大畢業，但一直想英文再好啲，於是2017年嘅時候，受朋友介紹，認識咗Wall Street English ，喺網上留個contact，好快就有人打返俾我，約時間到學校做英文評估，然後我就按預約時間上去

上到去，有位叫做課程顧問嘅女士出來招呼我、了解我嘅情況；然後用電腦做評估、評估後，有另一位又係課程顧問嘅女士話同我入房做oral assessment ，傾傾下佢開始同我簡介課程，然後我付款簽約、然後我開始上課、知道出事了。

我先講下個package，佢啲course 有分9個月、12個月同好似係18個月，時間愈長每月收費愈低。咁每個月做啲咩呢，就係喺網上做一堆聽講閱讀同grammars exercise ，然後上堂，啲堂係任上，就好似自助餐咁，俾咗一個價錢，你上幾多都得。

錢，以12個月嘅package，係由簽咗約果刻起，就倒咗$27,954落海。乜教育局唔係規定補習社唔可以一筆過俾，一定要分期收費㗎咩？表面，是的，係每月自動過數$1,747，加一筆過俾嘅所謂「學習支援費用」$6,990，但分期同冇分期係一樣，因為根本冇得斷約，佢只受理3種原因嘅退學申請，果三樣係：死亡、危疾，同移民。唔係口講就得喎，死亡要有死亡證明文件、危疾要醫生紙、移民都有張單程機票嘅收據

個課程好有問題，我讀冇幾耐就覺得課程太淺。跟我做oral assessment 果位女士當日將我評為Level 13，但來到課室，我發現呢個程度係學緊”either or”，”first of all”呢啲簡單句式；所用嘅教學模式都好初中feel，喺網上重組句子、喺堂上用sample sentence 同同學對答，其實我同期讀緊master，每個sem都要交幾千字paper，我再覺得自己英文唔好，都唔認為自己喺呢個程度。

我諗返起做評估果陣，成個過程都唔fair，個test 喺電腦做，只知測驗時間系20分鐘，但唔知全卷長度，變咗當時系咁趕著做，仲要去咗下一頁就冇得返轉頭，測驗完亦都冇話我知我幾多分，只系話我介乎Level 12同13之間，仲建議我由12開始讀，系我堅持佢先俾我讀13。後來我申請再評多次，有位好似系分校head嘅人同我做oral，就將我升咗去17。我覺得就算亂來都會系17，唔系忽然對自己英文有信心，而系，我買咗嘅course可以讀四個level，佢最頂系20，我如果由17開始讀，計返岩岩好啊！

但升去17都冇用，或者只系由中三英文去咗中四掛，佢教啲英文真系好淺好淺，同埋好小學雞思維，例子：有次個老師問有咩英文字表達嬲，咪angry, annoyed，fed up with 之類，咁我提出piss off ，佢ban 咗，仲好似教小學生咁反問我會唔會咁同老師講嘢，我根本唔想答啲咁低質嘅問題，但佢居然重覆條問題幾次，唔系真系以為我唔識呢個字系「粗獷」啲嘅用字掛，我識呢個字，但就算粗口都好，dirty language 喺語言中不可或缺，呢啲先系真英文，大家成年人，你咪同學生講呢個字要喺適當地方用囉，而唔系零包容呢啲地道casual嘅語言，仲要當我小朋友咁教我禮貌，同教annoyed 同fed up with 呢啲我識嘅嘢，我當時真係piss off想即刻走。

另外，佢啲堂亦冇佢講得咁彈性，對朝九晚六嘅打工仔來講，特定level嘅夜晚堂並唔多timeslot 揀。

我完全失望啦、我唔會再上，再上只是浪費時間讀些我本身識嘅嘢、我睇清楚啦，與其我喺佢個網度聽啲講得咁慢嘅英文，點解唔去Tedtalk 聽啲真正嘅外國人英文講有營養嘅演講；想寫好啲英文，平時啲碩士term paper已經俾咗好多訓練；至於講嘢，其實如果喺present前自己講一次，已經好好多、其實，回想講英文，喺好多情況下講到中段都會感覺到自己開始定落嚟、順咗，講到底，英文好唔好，尤其會話，好多時係信心問題。

但同呢間所謂學校始終有份死約，我有向消委會同教育局投訴，但佢哋只係無牙老虎，話咁間學校喺我俾咗錢後有冇提供課程？唔係冇喎，所以告唔入；喺Google 打Wall Street English，早期係出咗啲香港討論區之類嘅forum投訴呢間黑店，好多人都話有揾果兩隻無牙老虎而不得要領，而近排再Google 佢，就見search result 係一堆佢哋自己嘅廣告，佢哋應該擲咗啲錢去令啲負評冇咁易出到。

我揾過東張西望之類嘅media同記者朋友。但係自己心知，相對美容健身之類嘅生意，2萬幾3萬蚊個銀碼係唔大唔細；我亦問過律師意見，話：「就算去港大讀JD，都可退學唔洗full pay，佢咁都得？呢張約寫到咁真係有效？」但有法律背景嘅人只話：「冇效嘅話set來做咩？」「你話個課程唔岩你，好難拗，英文嘅嘢太主觀。」

Cut card ，你估我冇試過咩，結果係佢不停打俾我、繼而打俾我屋企人，我屋企人鬧返佢哋，結果梗係⋯⋯冇用啦，最後，我屋企人只能話，呢啲錢當跌咗、買個教訓啦，唔好拖佢啦，一陣佢揾黑社會嚟淋紅油，佢咁大枝，要蝦你好容易，依家香港冇乜公義㗎咋。

「依家香港冇乜公義㗎咋。」好似扯遠咗，但係，係。依家嘅香港，「不誠實使用電腦」呢啲咁過時嘅條例冇人update，就走去搞個送中條例；說好的美容健身消費冷靜期呢；呢啲學店走法律漏洞，咁多人去消委會教育局，但冇人理。有個朋友講得岩，係個持續進修基金，呢啲機構喉住每個人嘅二萬蚊去呃飯食，用英文講，Wall Street English milks Continuing Education Fund. It survives on this fund.

呢個係一個關於進修學英文、學店黑店、同個人信心嘅故事。講咁多，有啲長，如果睇得晒，多謝你嘅耐性，你有呢個平台，我唔知你會點處理，最後只希望可帶到一個訊息：大家做打工仔，賺錢唔容易，有心進修係好事，但要精明消費、簽約前諗清楚。

PS 最後，如果想search 下呢間嘢的話，唔好淨係打 “wall street english“, 要打“wall street english 投訴“, 就會揾到好多好似我呢種案例，佢個digitial marketing 都心虛，所以做到google search 頭一版係揾唔到佢啲黑歷史，但可惜digitial marketing reputation 呢一樣嘢我都有讀過，呢啲嘢以後都
.
.
.
呃我唔到
請大家都唔好上呢間嘢嘅當

都幾同情你起碼你造福其他人
不過如果你真係想幫人哋
可以試吓將一啲搜尋嘅字眼放係post 度, eg: SEO
wall street english 好唔好
Wall street english 評價

之前都有上過去做test 但個顧問太熱情嚇到我都係不了 唉樓主啲錢都冇咗 唯有當買個教訓

苦主+1
依家要逼住去上，老豆老母都話買個教訓

推俾多啲人睇到

乜咁貴

起碼知道lv 17

分分鐘英文仲勁過老師

其實想英文好啲 就算日常冇機會講咪睇多啲美劇睇英文字幕已經得

要學識聽就確實係有用
但係oral真係要搵鬼佬日吹夜吹最快最好
所以溝鬼婆最實際

佢d老師係香港人港式口音老師？
唔係鬼佬？

依間野好廢
比佢呃過

樓主文筆好有條理呀, 幫手推下

果時都差d落搭
個顧問都用左3個鐘同我做assessment
但turn out個course要18000
仲要用好多時間去讀我就無join到

呢間我條女join左同樓主一樣覺得中伏
我出email比教育局再連續3日上去屌佢
屌到第3日我大佢話可以揚既地方我都會揚 你call保安
之後態度軟化 話refund學費 但有個5千幾咩學習費都無得refund
咁我選擇接受 成撚日上去嘈好撚攰
我覺得你一定出左mail比教育局先 因為佢會上去訪問煩鳩佢 學費用信用卡分期已經係灰色地帶 係咁針住佢呢part 佢會你咁游說你 一關頭會搵條2打6 hea你
你態度惡劣地同佢講你太低級 搵呢到最大比我 之後要約
總之唔好比佢覺得你會妥協 利申我發泄得好爽 屌佢佢都只能講對唔住 因為我開住錄音 唔ok我就諗住狂port佢
總結你要放棄形象成個痴線佬咁就會好大機會拎返一大舊錢
利申佐敦店

對付無賴就係要比佢地更無賴

多數係睇到廣告以為好勁

除咗oral同listdning我都想知學formal English可以點做

仲有間叫EF Englishtown
專呃d 新移民同白卡佬去簽單，叫佢地用埋果持續進修基金佢

三大畢業都中伏就算英文點差應該都有個普，同埋應該會知道方向/邊方面弱

你搵消費者委員會呀