移民潮真係無聲無色咁黎緊...

好似老一代人

我阿爺自稱香港人 鄉下廣東

將來教小朋友

自稱英國人 鄉下 香港

到咗今時今日你認為香港仲有希望咩？

你認為你嘅收入係可見嘅未來仍然可以維持到咩？

你哋一路鬧泛民好天真，議會抗爭冇用，唔通你留喺香港繼續返工就有用？

到咗今時今日，你哋仍然認為可以當咩都冇發生過咩？

要走咩都唔使講，唔走有以下嘅藉口可以參考（如果要照顧屋企人嘅除外，係值得敬佩）

0歲：剛剛出世唔使走
10歲：等佢讀多幾年書先，依家去外國好易俾人蝦
20歲：等佢讀埋大學先走
30歲：出嚟做咗幾年野冇理由依家走
40歲：事業嘅高峰唔應該走
50歲：搵多幾年錢退休先走
60歲：退休嘆幾年先走
70歲：我咁老，走來有咩用
80歲：我都就嚟死啦，點解要走
90歲：一世人咩都見過曬，唔使走啦

仲有咩藉口請出招！

用人生嘅五年去俾自己一個可能性，抵到爛，就算而家無小朋友，都可能有一日有

唔走嘅人除咗屋企人或病呢類無可奈何嘅理由，好大部份都係啲心存僥倖嘅諗法，諗住之後會冇事，一廂情願咁認為香港會返去冇事發生咁，自己呃自己，咁依類人都唔好鬧泛民囉，根本同泛民堅持議會抗爭嘅態度係一樣

都未必係自己呃自己既，有啲人真心覺得香港始終會變返好。不過我睇唔到呢日幾時會來臨，有都唔係呢一兩代人既事。

所以話點解今日都有人支持泛民議會抗爭

又咁講，日本侵華，國共內戰，大躍進同文革依然有人留喺大陸，咁點解香港人嘅祖先會走落嚟？有冇諗過如果當年自己祖先冇走到仲會唔會有今日嘅自己

係有一堆人支持委任派，就如你所講，佢哋幻想似佔中後，過一排當冇事。委任派繼續做，就係接受共匪扮要求佢哋無事。

但香港人已經令世界醒覺，中國病毒令世人行動。加速師令世界憎恨中國。

莫非在多方面夾擊下咁都可以冇事，普通睇錯市最多輸錢，或者賺唔夠盡。
但睇錯香港前景係輸命

各行各業好明顯唔再prefer請local

當年推DSE直接destroy香港教育
唔係為接軌，係削弱本地學生競爭力
果時政府為左DSE認受性放左好多資源搞宣傳，搞到好多國家都以為DSE同佢地local公開試差唔多level

戶口一個仙都冇，都可以plan緊移民，plan咋嘛，真係移到先攞出嚟講啦