//
是咁的，我女朋友當初追左我一個月，然後向我表白。咁當時覺得佢生得順眼，性格幾溫馴，生活圈子極細（我呢d毒L既福音），然後我就應承左。但係一開始我對佢真係無感情，純粹係覺得佢係好女仔所以先同佢一齊。
拍拖之後，佢對我既好真係有點受寵若驚，佢會準備曬約會既所有野，會去八掛我需要d咩，然後滿足我，我講咩都唔會拒絕，食M記食譚仔無所謂，成日handmade禮物，日日唸定話題同我傾，係我打機果陣幫我汁房，街上面幫我駁鞋帶，願意為我等幾個鐘頭，etc。
拍左半年拖之後，開始對佢做既野有依賴，會習慣左佢對我好，會擔心佢離開自己，會驚自己搵唔翻咁好既女仔。
然後我開始對佢好，但是成日都會覺得自己係出於補償同對等既心態。我好驚自己係中意佢對我既好而唔係中意佢個人，好驚因為咁辜負左佢
個個都話付出越多就會越愛一個人