人地成日話人生如戲,咁我呢世人就好似演緊悲劇咁,睇唔到有咩希望。我諗好多人都好似我咁,覺得自己無咩優點、一事無成,成日係到諗究竟生存有咩意義呢啲咁哲學性既問題,而我暫時都仲未有頭緒。加上岩岩裸辭既我,又無目標,又無錢,成個廢青咁。
由中二開始,我因為被班最friend既老死杯葛之後,性格就開始變得孤僻,但唔知點解成績又特飛猛進,之後就入埋精英班。
仲好記得個時有個老師同我講,話到我大個睇返呢件事就會覺得無咩野,宜家成績進步左咁多,都係一件好事呀~宜家諗返起都係既,因為我記性差到連因為發生咩事而杯我都唔記得,但個心仲係拿住拿住呢種感覺就仲係到。
中三之後,屋企見我讀書好左就換左部新電腦比我,換左部機之後發現原來上網咁順係天堂般既感覺;而我由個時開始慢慢接觸高登,覺得好新奇,咩類型既post都會睇下,但個時on99唔識用hkbn個email嚟申請ac,過左幾年因為見到隊band嚟香港開show先的起心肝去搞返個ac,你知㗎啦,做cd-rom好慘㗎嘛,宜家仲要整埋加密
不過可惜呀,中文太差所以都係入唔到大學,就走左去讀下asso先再算。本身我就讀理科既,但心知理科讀完出嚟好難搵食,就屎忽痕揀左商科。後來發現asso讀咩係唔重要,因為asso其實只係比班入唔到大學既人多一次機會,而我從來都無咁諗過,只係想多兩年時間諗下將來點,想有多兩年時間逃避現實。各位asso仔千萬唔好好似我咁,花多啲時間努力搏返入U啦 身邊有好多成功既例子。
背景就講到呢到啦,之後我會開始入正題啦。
聲明:本人中文極差,連續兩年公開試攞F,作文拎U,假如你係好介意錯別字既,都希望你繼續睇落去順手更正下我 中文差點解又要寫文呢?因為我想用文字記低我曾經經歷過既事;亦都因為有個朋友鼓勵我去寫呢個故,最後無論有無人睇,我都會盡力完成佢。唔會好似你咁,爛尾。