做過一年獸醫助護，依加讀緊nursing

有咩想問我都會詳細答

準備爆pm未？

讀邊間nursing

做咩轉行 係咪因為人工

人工係其中一個考量點，畢竟做幾年獸醫診所先可以有20幾k,頂薪都係30k到
但其實我到依加都未諗清楚係咪要轉行，因為真係好中意小動物，就算讀完nursing都有機會做番診所
另一方面係想學多d野，讀書就最方便快捷，讀nursing 既野又可以用番去對動物

唔好咁

之前話要改名果間

獸醫助護點入行? 洗唔洗讀咩課程有咩經驗?

基本上行內人話唔洗讀任何野，白紙都請。雖然話邊做邊學，但建議入行後都要自學bio野。因為佢地只會教你點係果間診所做野，如果想轉第二間做又係另一套做法，唯獨知識先係度度都用得著。

獸醫助護辛唔辛苦？
係唔係要長期戴手套？

辛苦架，企足全日係基本，唔會有得閒既時間。

手套就唔一定會戴，除非接觸排泄物，但掂完每隻動物我都會洗手。

有沒有想過護士作為一個專業為何要聽指示？

有諗過讀一個短期課程再入行
但見人工一般
有啲一萬有啲萬五
見要求都係差唔多 點解差咁遠？
初入行易唔易做？

獸醫真係好良莠不齊
之前隻狗俾shitty果間誤診
拖左兩日先遇到好醫生同姑娘幫手
先逃過鬼門關
所以有醫德同有心做真係好緊要
好多只係係咁叫你左檢查右檢查
錯也完一筆水都係咩都唔知幫唔到手

我覺得，聽指示係要因為佢正確而去做，而唔係因為階級。但面對比自己有經驗既人，對方會比自己更有能力做正確判斷，所以聽指示係合理的。（但人地叫你做d你覺得錯既野，要識問番點解咁做）

我見過既、同合作過既獸醫唔算多，我都唔敢講。但有時係第二間診所既caes過黎之後，我地個醫生會話人地無料（唔係係主人面前講）。試過人地話醫唔好既case，黎到我地度醫番好。

香港D獸醫不嬲都呃錢禁住搶
明知你班奴才小小事都驚餐死
幾皮野小手術唔洗求你都即磅水

呢一行個價就係咁，好容易比人壓價，所以你要好清楚自己值一個咩價。有d會連一萬都冇，有d白紙入行都有14k。

初入行會好辛苦，你上司會希望你係好短時間學好多野，頭三個月好難捱。要學識登記、執藥、跟症（包括各種檢查方式既流程）、照顧住院同跟手術等等。

短期課程要睇下讀咩，不過一般幫助不大。入左行再邊做邊學，時刻保持好奇心同求知慾。我果時係跟台灣獸醫，唔洗翻譯，但我都會自學medical terms去睇病歷，等自己更加了解每一個case。

平時冇做保養，暫時都未爛。但未來會考慮買hand cream

入行前做過寵物酒店同報左個寵物急救課程

依加nursing 係hd