(長文）Quit 左poly hd 之後應該點？

講下自己少少背景先,19 dse b5 21,讀文科 434454,自己考19dse 因為冇乜點溫過書,同埋又自大,所以選擇咗retake 20dse,但係結果失敗,冇升到分,咁就唯有拎19dse 嗰分去報2020 jupas,嗰陣同自己講,喺香港一定要讀專科,所以最終就簡左自己有少少興趣而又比較少數學嘅poly hd 測量.

嗰陣同自己講自己已經浪費咗一年時間,自己一定要好比心機讀好佢,但係天意弄人,自己yr1sem1 就要讀數,唯有同自己講一定要符出得比其他人多好多先至克服都呢一關.所以好記得week1數學堂一上完就即刻溫返，所以最終week1 D數最終都趕係week2之前清晒,但係week2一開始,堂數學堂教嘅嘢明顯難咗好多，上兩個鐘堂有大半時間時間都唔明,而tutorial講數嘅速度都好快,完全追唔上... 係咁嘅請況之下,自己只好用更多時間自學,克服.

除咗上堂同清其他科目note嘅時間之外,其本上每日8個鐘(有堂上嘅日子)or even 更多時間嚟睇吓數學片,做數.但係自問自己數學底子實再太差,有好多week 2教嘅topic e.g inverse function,嘅concept 睇咗D youtube 片同睇返條lecture片都完全唔明,份tutorial 有around 70%嘅題目都唔識做.自己都嘗試問tutor D數,但係自己唔識嘅實再太多,而且好多都係1D基本concept,個tutor都問我究竟有冇上堂,自己都覺得好尷尬,點解用咗咁多時間讀書，連咁基本嘅數都可以唔識,tutor解完答案之後問我明唔明，我就算完全唔明都只好答佢明,所以自己之後都冇再問tutor 數,遇到唔識嘅數都冇人幫到手.結果week3前清唔到week2數,就要上week 3 嘅lecture同tutorial 堂,嗰3個鐘完全唔知到講緊乜...而且因為week4有其他subject要test ,所以week3都冇乜時間放係數到...之後就直接完全跟唔上進度,

但係自己同自己講過，自己已經浪費咗一年時間,而且身邊D同學好似讀得好輕鬆,加上week5就要交assignment 同test,所以唯有試下將自己推到極限,唔敢打機,將所有時間放係讀書同數學到,試吓睇片自學,試吓睇得明份skip咗好多step嘅solution.但發覺自己都係原地踏步緊,concept唔明,assignments 唔識,tutorial note 同pastpaper都唔識,完全追唔到進度...望住個test同assignment deadline就快到,個壓力就越來越大,好想追到進度, 好想比屋企人知我係得嘅, 好想入大學...結果自己壓力爆煲,完全控制唔到自己,近一個星期成日做做吓數會喊到收唔到聲,完全冇胃口食嘢,兩日先食一餐,會成日發關於抄test 同gpa 0嘅惡夢.屋企人見到我咁都好心痛,係咁叫我讀書唔好比咁大壓力自己,最多quit咗佢下年讀其他科.但係自己對自己嘅期望,而且唔想屋企人失望，同埋已經浪費咗一年時間,各種原因都令我好想繼續讀落去. 自己都知道自己好需要放鬆吓同放個break,但係望着嗰數學test 同assignment 好快就到，根本冇時間可以比我浪費.

結果屋企人真係好驚我繼續咁落去會出事,捉住我同佢地一齊傾好多計,叫我唔洗擔心屋企經濟環境,嗰$15000學費當唔見咗,叫我一係quit 或者defer,我咁嘅精神狀態一定冇可能捱到完sem1.結果嗰晚諗咗好耐,自己咁嘅壯態,肯定連今個禮拜嘅中文同數學test都應付唔到,所以想defer（自己幾鍾意呢科,只係完全應付唔到數學）多過quit,但係send咗email 比programmer leader 同上網search之後先發現yr1 defer 需要special reason 同證明,而且手續好繁複,要around 三個禮拜而且大多數情況下都唔批,同屋企人再商量之後決定quit咗佢.

背景講完,自己quit完之後對前景充滿迷惘,所以想問吓大家意見.
1.我應唔應該繼續讀書,定出來做嘢算？自己除咗第一次dse符碌有b5 21分之外,好似完全唔適合讀書 第二次dse努力完都失敗，hd d數學比咗好多心機都完全讀唔掂所以想喺度問大家自己既然唔適合讀書仲應唔應該繼續讀書定係出嚟做嘢好過？
2.如果繼續讀書我應該讀乜嘢科？自己係一個文科人好怕數學,我下年應該選擇乜嘢科目呢?讀IVE測量好唔好因為自己幾鍾意呢一科，只係數學非常之差,可以用呢一年時間冇壓力之下預備下數學,定係下年應該揀第二科好D?如果揀第二科又應該揀乜嘢科？希望大家可以俾少少意見我🙇‍♂️

Dse 21 分， retake 失敗，讀hd sem1 收皮？ 完

係

唔好讀專科
就係咁

21分好高啦

想問吓點解rejupas會入唔到大學?
21分應該點都有u讀

其實您文科勁點解要走去讀survey好辛苦喎。講真您有21分今年reju入lu edu bu讀文科或者Bedu唔好咩？您拎5嗰科elevtive係咩嚟架會唔會向嗰科個方向發展好啲呀？

我都係19 dse 19分本身自以為數學ok又有讀m2就諗住去讀engine ，不過最後都因為興趣冇揀到去左樹仁讀社工。我拎過讀asso engine既fd啲野嚟睇完全唔明。好彩嗰陣冇揀。所以我覺得既然您了解到自己邊方面強既就向嗰方面發展 。加油呀！揀啱自己既野最緊要，唔一定要揀專科。

數讀唔黎，但呢個分嘅專科多數同工程有關。兜兜轉轉又係要你讀數

想讀測量但唔夠分,所以將poly hd 放a1

AMA1110 都搞咁耐LSGI真係唔啱你，quit啦

冇讀物理又數底一般去讀工程測量呢啲係辛苦啲

讀之前search 過好多資料，好多人都話surveying 唔多數 出來做嘢淨係需要識加減乘除 而且睇過上年份programme document,知道只有一科數學,以為自己克服到,結果原來唔得

屋企經濟環境唔好,想讀專科,幫補屋企

係btms ,quit 咗

無數計果科係gp喎，即係HD BTMS

打工算啦

就係讀hd btms

其實唔一定要專科先有出路架大佬
你連hd頭幾個week啲數都handle唔到足以證明你根本唔適合讀測量
不如你都係務實少少揀返啲啱你讀嘅文科degree啦 讀完起碼叫u grad

如果你真係想搵人諮詢意見。可以dm傾下

點解唔報city surveying，同埋有得p/f點解唔去做，老老實實今年唔難攞靚grade，基本上你讀得明就一定升到上去
利申前poly hd survey, 想享受4年ulife先quit

你讀啲能力上根本應付唔到嘅嘢，仲點樣養家？
一定要讀所謂專科先養到家？
你讀書淨係為咗養家？

我覺得你諗讀咩科之前首先要讀吓logic/art of thinking 之類嘅嘢，唔係只會死路一條，死因：戇鳩

City surveying 要求一定要phy
今年好似冇p/f

讀書唔係淨係養家,只不過屋企經濟唔太好,所以先想讀專科