有無人試過氣管唔舒服，乾咳唔停！好辛苦！

巴打，我前年同你一樣，乜都照晒，唔只照肺片，係直程入去照360度個隻肺片，但最後照唔到咩事
之後都係係咁咳，但我係濕咳，最後我堅持去英國交流團，去左幾日好返左

其實我懷疑呢d病係咪食乜都無用
要等佢自己好番

你有無𠱼喘病歷？
如果有要睇氣管專科，我以加係長期吸氣體類固醇，劑量唔高，最緊要穩定氣管

無啊，我係今年先咁
發現睇佐兩次同一個家庭醫生都未好番，然後又咳佐2-3個禮拜，先轉去睇另外一個家庭醫生加照肺

應該係支氣管炎

有用就好希望你早日康復
完全明白冇端端係咁咳嘅痛苦

涼茶唔好亂飲
咳唔停通常係寒咳

之前年年都氣管炎，咳成兩三個月，瞓唔到又咳到頭暈/痛

咁係咪反而食熱氣野都OK？🤔

訓覺不自覺mak大個口 用口呼吸搞到喉嚨乾
訓覺貼張膠紙封住自己個口(可以留少少罅防止窒息)
逼自己用番鼻呼吸

講下係邊種咳先
有冇痰
乾痕咳
定係有痰個d 如果有係咩色
有冇喉嚨痛

完全無痰，乾咳，前排訓醒同埋夜晚乾咳特別勁，喉嚨都唔痛啊

我咳左好多年, 你要自己試個方法止咳.
呢幾年比較有效方法
八仙果/陳皮
日本咳藥水
史立消化譚止咳版

有 要調理架

我自己咳左年幾飲過好返先推薦

去藥房買支Ventolin吸, 即時舒張氣管

巴打，珮夫人差唔多成支食曬都係好似唔係完全好番
情況係好佐，不過有時都仲係乾咳
好想斷尾

試過三次
第一次咳左三個月食氣管藥兩個禮拜就好
第二次一樣三個月食氣管藥唔太work但仲有少少用+得果定喉糖，慢慢ou下就自己好左
第三次咳兩個月氣管藥完全唔work，聽啲阿姨偏方話淮山粉加落水/湯/粥度食，結果兩星期就好左
頭兩次都係感冒後長咳不斷，睇醫生話係氣管敏感
第三次係唔知咩原因一係轉季一係空氣污糟。
利申：長期二手煙受害者

隻藥好似係montelukast

我懷疑氣管敏感係咪都會有抗藥性
我知道其它病，一旦長期食一隻藥，d菌都會有抗藥性
但係氣管敏感係咪都係有菌係氣管到？定係點
我一開始食珮夫人情況好佐好多
宜家一出街，戴口罩就開始番好密嘅乾咳
戴口罩唔知關唔關事，好明顯係屋企就無乜點咳
一出街戴口罩就來料，頭先去自修室起碼半個鐘內都咳5-6次
睇個情況就似未斷尾，真係好辛苦下
做做下野就咳急下，好煩個種感覺

係咪呢隻巴打？係咪黃色嘅藥？
因為我最後個次睇醫生，都開佐類似包裝嘅氣管藥

係啊 不過食耐左就冇用喇
飲淮山粉好過
屌而家轉季喉嚨又有少少痕

可能肺ca

淮山粉邊度有賣？？