New Beauty激光脫毛搞到要報警

代朋友發

首先可能有人會話，網上咁多人講New Beauty 黑店都去，但係我覺得sale嘢我可以接受佢想搵錢，但係違背專業甚至傷人唔係咁講，如果我當時就知道有好似我咁嘅案例，就唔會真係唔會去。

一個正規負責任嘅醫學美容中心，應該對客人嘅情況分析了解，對客人嘅健康負責任，出事嘅時候我搵佢公司客服，結果淨係見到佢係到推卸搵律師。

如果打斑結焦變黑係啞巴食黃蓮，現在無痛脫毛痛到灼傷就係完完全全明顯嘅唔合理。

以下我講嘅每一句都只會陳述我已知嘅事實，唔會講任何猜想同指控。

搵澳門脫毛搵到New Beauty 登記做幾百蚊嘅A3無痛脫毛，講到專業有效、可調節無痛，去到個公司有兩層，11樓叫Perfect Medical，5樓叫必瘦站（呢啲都係後來先知）。

去到登記簡單個人資料就見顧問，入去佢就係到講有個幾千蚊嘅項目最新最靚又美白，我話我冇咁多錢，你個介紹話幾百蚊嘅A3就又無痛又有效，我冇諗過今日嚟要洗咁多，佢就黑面帶我入房搵人做。

入到房佢拎個儀器過嚟開始同我做第一下就痛到我叫出聲，講其他人做完都冇事，講到好似我自己問題，「呢個療程幾百蚊一定唔會係最新最靚，顧問有冇同你講幾千蚊個項目呀，原價成萬架」咁係到sale，仲係到繼續做，我就一直痛到出眼水，問佢點解咁痛你係咪用錯機set錯嘢，佢完全唔打算調細佢仲係到講轉幾千蚊嗰個就唔痛，話自己好忙仲有客人、唔好浪費時間、快啲做埋另一邊，但係做另一邊個陣我頂唔順大叫，佢就停左話得啦要做下一個然後就拖個機出去走咗。
我係個房到自己着翻衫，出嚟冇人理我，冇人招呼我，我就好迷惘只能咁走咗。

返到屋企，一直痛同埋紅，我嗰陣諗住以後唔去就算，但係唔知自己皮膚底下原來已經大面積燒壞咗，直到佢幾日之後大面積甩皮變黑去睇醫生、醫生話係皮底下燒傷康復期甩皮。我同佢客服反映，佢客服話會了解清楚叫我等。

然後我去報警求助，警察叫我一齊上去同佢哋公司調解，佢哋長時間嘅了解清楚之後，個技師 一嚟竟然係對警察話太多人唔記得，所以只能落案，有日警方叫我上去問我有冇簽一份文件，係’電子簽名‘而且個項目都唔係我做嘅項目，我話冇簽過，就連佢比警察關於儀器嘅圖片都唔係嗰一部。

1- 首先顧問醫生係應該評估客人做唔做得呢個機/要點做、用咩度數，佢大可以話呢個唔岩我、我就可以唔做、幾百蚊都慳返直接返屋企；

2- 其次佢技師用激光呢啲危險嘅儀器，係應當明白佢嘅危險性、同埋對客人嘅反應作出專業判斷，聲稱無痛而且可以調節強度嘅項目，我痛，佢係可以調細強度、甚至停止唔做，而佢冇咁做；

3- 現在我身體受到傷害，仲會永久留黑色嘅疤（醫生同我講變翻以前咁嘅機會好微)一邊腋下只有做一半嘅地方可以清楚見到我本來嘅顏色透白見血管。
我已經出咗醫生證明係灼傷、無表面傷，明顯激光引起，可能會永久留黑色疤。

4- 我同佢公司反映嘅時候，佢哋係搵律師打電話比我、一個準備好同我打官司嘅口吻。期間因為痛，我冇對該部位做過任何保濕以外嘅行為，清潔都用清水唔敢用梘液，佢負責人仲係到話我點證明關佢事，佢完全唔係想了解解決問題而係係到走程序同推卸責任。

而家我醫生紙都出左，佢哋仲要話等律師呢樣嗰樣，都冇人嚟搵我聯絡了解我嘅情況去負責任，我應該點做？

有冇人試過咁嘅情況？

係美容中感到「冇一早提過會有」嘅不適，同剪頭髮比髮型師剪到耳仔一樣，唔好信佢冇事發生，要即刻原地報警睇醫生。

除咗而家不適同不便，仲晚晚失眠，一諗到以後婚紗背心吊帶都着唔到、影響以後嘅生活方式就好唔開心。

女人錢最易呃

話比佢聽比幾百蚊會變靚就得

抵死

弱智

如果佢俾人呃錢 我會覺得佢係抵蝕俾人
但呢到都係幾百蚊 你食個飯都冇左啦
但係而家個重點係佢地令到人受傷
唔係冇療效 呃錢咁簡單喎
笑人之前 不如睇清楚先啦

脫個毛唔係幾百蚊咁應該係幾多

好慘 幫推

Cls公司
幫推

hello moto

之前喺呢間公司做過，你真係唔洗指意佢賠錢俾你，佢係有一隊專責法律團隊處理呢啲投訴問題同埋法律問題，因為佢哋真係一間好撚仆街嘅公司，仲會逼人買package困人哋喺間房入面，拎人哋張卡佢碌，有個阿婆拎埋老公將死亡紙上嚟話親人過咗身想退返少少錢搞白事都俾公司啲人趕走，頂唔撚順間公司辭咗職。

個老闆都係一條大仆街，試過有個同事坐喺佢房出邊，佢間房窗口會望到個同事，個同事係光頭佢話好邪之後炒咗人。

同埋所有同事如果星期一請病假都會俾佢炒，佢話佢之前係做醫生啲人通常都會拎星期一病假紙，所以星期一請病假一定係假

仲有太多仆街野不能盡錄。

其實脫毛真係啲好撚平嘅嘢，而家激光脫毛已經好普遍幾百蚊脫毛係好平常嘅嘢，純粹係呢間必瘦站仆街，佢唔係仆街都唔使成日改名啦。

幫手推

絲打好慘 幫推

幫推
垃圾黑店
脫毛呢家嘢我從來唔敢去啲太平嘅店做

佢話
因為google見到，佢又肯洗錢做廣告，會以為佢會比較有保障