睇左幾頁MICHAEL SANDEL 本正義，文本係講政哲當中既倫理。
嘗試小學雞式東施效顰，抽書當中幾點，DAB式斷章取義咁討論偷食到底有冇錯。
會跟足作者既進路，從三個方向作出討論，而引述既論點絕對只留於望文生義照字面解。
A 前題
A1. 通往正義之路界定了三個出發點，福祉 / 自由 /美德。 （p.25）
B 原則
B1. 道德的最高原則就是追求幸福最大化，就是追求快樂和扣除痛苦的最大總和。
人是受制於苦樂，苦樂是我們的主人。
JEREMY BENTHAM （p.42）
B2. 只要不妨礙別人，人人有為所欲為的自由。
JOHN STUART MILL （p.48)
B3. 凡是受到生理決定或社會制約的行為，都不是真自由。
行動要自由就必須按照自主。
自主即按自訂法律，而不是按天性指揮或社會習俗。
而自主（AUTONOMY）既反面就係他律（HETERMONY）。
他律即依外在決定行事。
我由帝國大廈下墜，往地面俯衝，沒有人會說我是自由，因下墜的運動受限於引力。
自由不是為了達成特定目標而作最佳手段的選擇，而是自己選擇目標，而這目標本身即最終目標。
IMMANUEL KANT （p.123-124)
C實況
情況：女A同男B合力綠左男A，男A女A相處冇問題，只係男B係28歲既吳彥祖。
C1. 偷食係岩既
因為男B同女A都開心，只有男A一個唔開心。2人快樂＞1人不快樂 (B1)
C2. 偷食係岩既
我身我命歸我有，女A行使自由，並無唔妥。(B2)
C3. 本書冇講康德點睇偷食。
我屈康德。我先設忠誠係最終目標。
女A受他律（男B既CHARM）所引，並不能行使自. 由（對伴侶忠誠）(B3)
如果係女A，點面對28歲既吳彥祖或28歲既GAL GADOT。（人道德能力之有限）
而如果係被叛背一方，會點面對呢一切？（出於他人之錯而受苦/打擊）