召喚同卜泥戰鬥緊既巴絲

有圖，請留意！

最初係廁所洗手盤發現
每朝都有4-5隻，係牙膏牙刷附近出現
一開燈就走去陰位
之後再check櫃桶 發現好多死屍，屎，零星幾隻

清左廁所之後，床頭牆又出現幾隻
今次真係大撚鑊
一打開張油壓床，成個床下底都係
大約有幾百，成千隻
諗起每晚訓係d蟲上面都想噁
示意圖如下



原來係床底板發霉，已經有幾達綠色霉菌
果斷掉咗d木板，再噴紫色biokill
第二日幫木床架上多層清漆
開抽濕機，放吸濕盒
過左一個星期都無再出現
以為斷尾，點知道過幾日又出現番
當下個人好崩潰

上網再搵到de粉 天鹽清
但係用完，個情況同biokill+抽濕機一樣
連用二個星期都無事，但係一停又出現番

今次仲蔓延到客廳沙發同廚房
廚房係最嚴重
只係幾日無用廚房，d櫃桶，米桶已經被攻佔

都係成個米桶掉咗佢，再天鹽清 de粉
係見唔到佢哋繁殖，但仲有屍體出現

決定左叫殺蟲公司下星期上黎搞
問咗幾間，都話好大機會復發
因為係季節性害蟲，
有一間包一年保用，覆發的話再施工

想買埋德國奮鬥吶，但知唔知邊度有賣？

係咪唔通風

其中有個方法係對付發霉,間接會幫到手
因為霉係佢地既食物
方法係用1:99/46 漂白水抺牆,櫃,一黎可以清走霉同塵。 二黎乾左嘅漂白水仍有一定程度殺霉菌能力。

其他地方就要另外努力。

差在未用漂水，怕傷到木材

情況用你差不多，耐唔耐又出現
然後周圍搵源頭，搵到果下 嚇到個心離一離

床下底，好難通風

D櫃桶 又係一樣

唔出奇啊，通常1-2隻出現之後就會成千上萬
因為呢隻 仆街卜泥 可以單性繁殖！
唔洗朴野都可以自己生仔

快手搵左個源頭先
睇吓咩位置 長期無開過

好似可以幫你食晒啲mo菌

係就好，佢哋只會幫手傳開d霉菌

之前間屋比水浸左 而家越黎越多
不過遲d 會裝修 一野打撚爆佢

我裝修完先咁多
一有源頭爆開就好難斷尾
好似武漢肺炎咁

新裝修都有點搞

係唔係有d木傢俬切口未上清漆

訂造啲櫃桶入邊，冇飾面啲地方都要上清漆

下 咁咪好多 櫃桶底同床架入面好似無

一勞永逸 係要煩少少

咩方法我都試過哂
最後搵埋殺蟲公司，比左二千幾 都搞唔掂
係d切口位旁邊 成日都有屍體
不過係有好咗 無再擴散出去，無再見話活生生

最後買左鑵清漆 所有木器都上一次先斷到尾

分享一下
上年5月開始發現間房有
係有日突然發現牆上某個位置聚集咗十幾廿隻
之後用殺蟲水噴咗幾日，果個位就冇聚集啦
不過就打散咗佢哋，周圍地方每日都有十幾隻走出嚟
買過biokill又用過漂白水抹牆都好似冇咩用
抗戰咗幾個月去到9月就自然消失晒

去到今年7月都冇咩發現過以為贏咗
點知8月有幾日落雨，房近床位置牆上某個位又聚集咗十幾廿隻
又用殺蟲水、biokill、漂白水、抽濕機搞咗成個禮拜都冇成效
而家連床啲邊位都開始有
唔通今次真係輸咗？唔想生到成屋都係，點搞好

同我上年一樣，打風落雨之後大爆發

咩biokill 漂白水，無撚用架
過一排就出番哂黎

一定要搞清楚d源頭
最主要係腐爛木材，劣質木材
加上夏天又濕又熱
好容易焗到有霉菌，再有卜泥出現
所以通唔通風 對卜泥無關係，主要係霉菌

幫d木傢俬上清漆最實際

巴打想問清漆你買左邊隻