要由前幾日《理大圍城》有張由「電檢處」－正名為「電影、報刊及物品管理辦事處」轄下電影科，發出左出告示，但又唔認開始講起。
咩係龍標？龍標俗稱影片通過令
係中國要電影基本上要審3次。
1。《攝製電影許可證》
係拍任何電影之前，你要交劇本，先可以拿到許可證，如果無，係違法既。
2。初審
影片完成後，要向國家電影審查機關申請，並等待省級廣電部門或電影審查委員會的批准。
通過之後佢會比個龍標你，就可以放個許可證編號上去，但係未拿到正式拿到許可證，你只係可以放係片頭送去終審。
3。終審（又稱技審）
有大量電影都會以「技術性問題」作為潛台詞，要求將電影刪剪，甚至不發龍標。
咁點解要龍標？
因為無龍標，係中國放映係犯法（呢一點好好記住！）
據《電影管理條例》第六十一條：「未經批准，擅自舉辦中外電影展、國際電影節，或者擅自提供電影片參加境外電影展、電影節的，由國務院廣播電影電視行政部門責令停止違法活動，沒收違法參展的電影片和違法所得；違法所得2萬元以上的，並處違法所得5倍以上10倍以下的罰款；沒有違法所得或者違法所得不足2萬元的，並處2萬元以上10萬元以下的罰款。」這意味著若一部中國大陸電影在參加境外電影節時未能取得許可證，則屬違法行為，不能被電影審查部門批准在中國大陸境內公映也屬正常情況。
例子太多：婁燁既《頤和園》、田壯壯因文革議題的《藍風箏》遭禁拍 10 年，連張藝謀新作《一秒鐘》都一樣中招，放到宜家都未上到。
當然可以話，屌，有名你叫廣電總局呀媽。香港最多咪3級。
就係除左3級，唔批電檢比你一樣死。
《理大圍城》係申請電檢時被要求加張咁既野
電檢處明確表示，如果唔加，就唔會批電檢。
咁姐係點？
凡擬公映的影片必須事先得到電影檢查監督批准，影片會按電影三級制評級或獲豁免評級。評級則由電影檢查員負責，他們會考慮影片是否描繪或涉及殘暴、虐待、暴力、罪惡、恐怖、殘疾、性事，又或不雅或令人厭惡的言語或行為，電影檢查員就影片級別所作的決定後，可交由電影檢查審核委員會覆核，委員會成員包括9名非公職人員及1名當然委員（由商經局局長擔任）。為確保電影評級尺度符合社會標準，當局會定期諮詢由300人組成的法定顧問小組意見。
咁無電檢，播唔播得？
香港法例第392章 《電影檢查條例》
對上映未獲豁免或核准的影片的約制
(1)任何人上映影片，而就該影片而言，所指明的條件均不獲符合，即屬犯罪，經定罪後，可處罰款$200,000及監禁1年。
呢個講法已經係因為你放未評級既電影，呢個已經唔係電影上唔上戲院既問題。
只要你係公眾場合一播，佢要屌你就已經可以。
想係百步梯《地厚天高》？
想係社區放映睇《十年》？
想買碟？傻啦，出碟都要電檢嫁！
仲有一大堆，唔係戲院睇，就有臨時娛樂牌照既問題，都未計。
現在電檢能力加大，其實距離變成廣電總台真係好近。
（下集預告，點解拍完唔放上youtube同netflix?）
－補充詳情
電檢處評《理大圍城》為三級 要求《佔領立法會》加「刑事罪行」警告
https://bit.ly/3046BiZ
回應《理大圍城》被評三級 電檢處：拍攝內容可能犯法
https://bit.ly/3kK8vNm
電檢處評《理大圍城》三級 退還已成碎片送審光碟 未交代原因無道歉
https://bit.ly/2FYJLlI
【特寫】《理大圍城》被評三級強加警告 香港紀錄片導演的掙扎與堅持
https://bit.ly/3021bEW
【《理大圍城》電檢風波】不是政治收緊藝術表達自由，誰信？／譚以諾
https://bit.ly/33Vqbij
電檢處的權限與慣例 — 由《理大圍城》的電檢風波說起 ／蕭恒
https://bit.ly/2RQTXzj
