無啦啦醒起細個係有線兒童台11台
唯一會睇嘅一套日本動漫定動畫
但唔記得個名 好想睇返
翻查哂啲播出列表
搵左好耐都搵唔到
有冇人知道套嘢叫咩
套嘢主角有四條友(兩pair 情侶嚟)
類似係嗰啲唔知做乜世界要未日咁款
派佢地四條友入另一個空間交戰咁
首先講第一pair情侶
條女長頭髮唔記得咩色
條仔就好似係淺藍色 總之就係kam色
有一集講條仔俾人捉9左
然後條女入去救佢 嗰個場景係好似漆黑一片咁
四周圍都冇嘢 只係有啲光focus 係中間
就係發現佢見到條仔上身赤裸咁樣瞓咗係一張石床定鐵床上面
然後條女行埋去扶條仔起身 面對面咁
條仔就錫左落條女到 點知原來條仔喉嚨有粒唔知乜作用嘅鐵珠 趁佢錫落條女嘅時候 lur左俾條女 條女好似爭啲哽死 總之嗰個敵人好似鍾意條仔定乜嘢就係想搞死條女搞場大龍鳳出嚟
(男女角色可能掉轉 即係可能係條女俾人捉鳩左條仔去咀佢)
第二pair情侶
條仔就係銀色頭髮嘅 日本仔木村拓哉嗰啲長度 唔長唔短對眼遮啲意唔遮啲咁
條女就好似都係短頭髮 性格幾man嘅feel
然後條仔好似唔知做乜鳩整親隻右手 成個膊頭之後嗰幾日集到用繃帶包住 係佢條女幫佢包嘅
之前仲有另一個女角色係盲嘅 成日揸住碌棍好似係佢嘅武器咁
用塊布綁住對眼 啲頭髮長過地拖 好似係紅色嘅
本身佢係好人嚟 點知成日俾佢師傅 類似係救命恩人咁樣嘅嘢洗佢腦 要幫佢做壞事 條女成日嗌佢師傅做老師 乜77
然後有一集好似俾嗰pair情侶點醒醒咗定唔知點
變返好人一齊隊冧佢老師 仲噏左一對懶感人肺腑嘅說話
然之後類似結局嘅時候四條友就好似出返去個世界 成套片終於光返 但係好似周圍啲建築物都蓉蓉爛爛好似話終於告一段落咁
原來我講嘅嘢一嚿嚿因為真係好耐年前嘅事都唔記得太清楚
但係唔知做乜嘢就係好想搵返套片出嚟
有冇人知我噏乜 係咩套片
謝謝呢