[保險] 有冇人想買醫療保險呀？

會核保。個人覺得最安心 最唔洗煩係呢個，因為用幾多claim幾多，當你買0自付額,標準plan咁計最盡claim到500萬，保費貴少少但係值嘅。

我舉個例子，如果你係買真智安心個自願醫保，過左個保額之後都可以claim到8成嘅，但如果個手術做左5萬幾，每個item都超啲，變相你俾左保費都要自己俾多幾千出黎，咁我做咩唔一早俾多少少買智尊守慧，條數都係返到。

所以其實就睇你個人需要嘅，但因為依家自尊守慧都做緊免3.5月保費，變左保費同真智差唔多，依家買自尊就會抵買啲啦

樓主有無床單女介紹

如果要比較下唔同公司嘅醫療保險，你覺得現時下普遍香港打工仔應該優先睇邊幾樣？

睇左智尊守慧保費表，0同20000墊底費比較，保費會貴接近一半，唔多抵。

$20000墊底費plan + 任何一間自願醫保標準plan，加埋平過零墊底plan。點睇？

想要全面啲嘅的確可以咁做個combo, 但我立場當然用返自己公司plan計啦。當受保人30歲,男性,唔食煙，年費。

公司做緊優惠，自尊0自付額=$5,179。

自尊$20,000自付額$2,800+真智標準計劃$2,606=$5,404。

咁我又當你買自尊$50,000底啦, $1,806+$2,606=$4,412，呢個的確係平啲嘅，但好似我上面咁講，用真智plan唔係全claim足到5萬嘅, 中間over保額嘅位都係要自己俾返2成。最近有同事個客都係咁買個combo，入醫院做鼻腔手術，用左4-5萬，但最後因為每個保額item都超少少，所以佢都要自己俾多兩千零蚊出黎。

所以到最後我會話抵啲就係咁解啦。

嗱，咁如果你係睇到其他公司嘅plan加埋係平啲，而保障又係一樣/差唔多咁我冇辦法啦，都係睇客嘅需要，事實擺在眼前我都冇得硬sell架啦但我都講返句啦，如果到時真係要claim嘅時候你會唔會覺得麻煩呢，因為買兩間又要兩邊走咁

首先睇價錢，睇自己負唔負擔到先。第二就睇保額，最盡claim幾多，要睇清楚咩情況要自己俾返錢出黎 同保險公司包幾多。我覺得關於錢嘅野就要優先睇得清楚啲先

普通冇事冇幹又冇咩憂慮嘅，多數都建議睇啲標準plan同買一份有個安心就夠架啦。最少到時有咩事個負擔都唔會太大。

claim錢要視乎返你嘅情況可唔可以符合返保單條款 當保險公司接受你嘅投保嘅時候 就唔可以單方面更改
所以claim冇話容唔容易 只有符唔符合claim嘅條件 另外無論你睇公院定私院
AXA都係7日內可以搞點

一般係受保範圍，交完form7-10日就過到錢架啦
好似樓上巴打咁講，冇話易唔易，基本上都claim到，但如果買完兩個月就要claim可能就會check嚴啲，但一般都冇咩問題嘅

改返，個客用左4萬5都要俾返$4,000出黎

自願醫保標準計劃，每個項目會講明賠償上限，例如小型手術上限$5,000。

智尊守慧醫保就全額賠償，但實際上係咪都有上限？例如個手術係小型，醫生開價$50,000，保險公司會認為收費唔合理，唔會賠足，我有冇理解錯。

公司有第二個自願醫保計劃叫真智安心，嗰個就會定明每個項目嘅賠償上限。

而智尊實際上都冇上限，亦都會賠足。用標準計劃做例子，佢嘅上限就係整年賠償唔超過5,000,000都會賠。咁老實啲講，佢呢份嘅保費係貴啲嘅，咁自然保障就會足啲。同埋都要睇清楚不保事項有啲咩，咁就唔會怕賠唔到。

可唔可以講多小小

何出此言呀

上咗axa自願醫保網上投保網頁，睇下有咩要申報，有一項聲明話打算參與娛樂有關之危險性活動例如潛水/爬山/跳傘，都唔俾投保

其實俾架，你唔係職業性質，去玩下都會照保架剔返否就可以了

公司醫療係比較基本的
最主要都係幫自己買個自願醫保cover得全面
利申 AXA