前果排播睇電視，賣賣下告白無啦啦有隻超人彈出黎，我以為兒童節目都學人賣廣告
睇到最尾話係咩持久裝先知係condom 黎，仲以為係壯陽藥。Ok fine，反正播親呢類廣告d 小朋友都訓哂，唔洗破壞佢地心中超人既正義形象。（但係點解喬寶寶黃金時段可以賣勃勃素？）
我以為超人賣condom 已經算痴線，直至我搭地鐵
呢幾年地鐵扶手電梯旁邊果d 位好鬼鍾意賣condom 廣告。我承認果d 位係幾吸引人眼球，所以一般我唔係望手機就望廣告。
初頭d condom 廣告都算正正常常，就算個model 幾正/幾騎呢都好，個condom 盒都會放係個廣告當眼處。最記得就係有個廣告有個拳手，對眼冇黎精神一睇就知係縱慾過度
。但係觀眾係非常容易就可以搵到盒condom，你一定會知係賣dom。
早兩個月睇到個廣告，夠膽死出得個數子同牌子（仲要係右下角），然後成張野都係得灰色。我仲望左幾秒研究佢賣乜野，不過睇黎我後面個阿叔道行都幾高，知我望緊乜就同我講：前世未見過咩。我即刻企返正，望到唔敢再望。
到左前日，我又搭地鐵，今次仲有個fd，咁如常望下d 廣告啦。咁啱望到個全港運動會廣告，再隔離見個兩個廣告，兩個幾正既model
，一個揸排球一個網球拍。我同個fd 講：搞個全港運動會都咁多宣傳，你睇果兩條女，洗唔洗呀?
個fd:係呀，岡本贊助架嘛。
我即刻屌出聲。大佬呀，你d 廣告洗唔洗賣等咁唔明顯呀，邊個第一眼睇得出？依家仲要痴落全港運動會到玩保護色？
依家d condom 廣告真係痴撚線
btw 唔好問我點解唔提莊思敏，睇見佢都縮，避孕都慳返
