教結他其實搵唔搵到食？

呢排係琴行學緊結他，好好奇個阿sir搵沖唔搵到食..出面琴行4堂大約1000蚊，55分賬老師袋500，教成30個先有15000蚊，仲低過文員，仲要唔知有冇咁多學生比你，除非私人教，但結他又唔同鋼琴，d撚屌家長想個仔女考級會搵私人長教，但結他好多都係學學下唔學，難留住學生，有冇巴打全職教結他或其他樂器可以分享下呢行？

應該無人全職教

咁撚貴又唔熱門，古典應該冇乜人學，揸波子應該有家底啦，你睇香港玩口琴最勁果個CY Leo比人昆左500萬都仲有靚車揸就知

香港地，玩樂器叻嘅可以去做音樂嘅野，都已經話要捱好多年窮，仲要日捱夜捱食無定時受盡白眼... 但佢哋都唔揀去全職教樂器，你話做結他老師有幾好搵？

真係好搵，駛乜同琴行拆，個個自己開檔啦！

不過咁講，多謝你為香港音樂教育無私奉獻囉！

古典結他？

佢哋成班屋企都過億世家至少

古典結他想進修都好貴呀

利申全職教
暫時都主要教琴行
未有武肺之前一星期廿零個
而家得返十幾個
Even就算廿幾個都未必返齊 因為實有學生中間請下假 最盡都係一萬鬆d 而家五千都唔知有冇

而家人工超低 只可以話餓唔死住 仲交到band房租 錢銀僅僅係咁

學樓上所講 你有能力係私人教 收既錢係兩倍以上
不過講真 一般既老師都係收入偏低 其實無人甘心得咁少錢 所以你撞到既老師主要兩type
1.有少少門檻既part time囉 時薪幾高
2.真係對音樂好有愛既人

你想用其他方式賺錢係好難比教學穩定 而且香港唔多機會 例如出show 做production

不過講真 教野係幾辛苦 我跨張d講仲辛苦過長工 因為對住個學生係幾chur精神 但係已經慣左呢個返工模式


有啲咩仲支持住我咁返法呢 其實係夢想 雖然未必個個係咁 不過教野係幾有得著 自己其中一個進步方式係教人

齋睇份工肯定唔抵做 仲遇到好多仆街野tim 所以珍惜你既老師 起碼佢地唔係將錢擺第一位先 現實就好撚殘酷 有d人真係一世都都緊琴行萬零人工
做呢行真係要好敢跳出自己comfort zone

難啲，可能啱啱搵得到夠食
太多人做，同埋容易自學

結他一街都係8級 憑咩教到人先
除非勁到tommy chan咁囉 咁咪有資格收得貴

羅翔半小時收五舊啦
粗粗地玩結他算係可以自學的樂器
而家樂理可以上網再搵老師執

巴打有咩cert
識人讀過degree又有幾張diploma
月入都有幾萬喎

老實講睇人嫁啫，如果咩都唔做，片又唔拍，人又唔識多個，就焗住係琴行教，同琴行分。
但如果自己本身有名集，即係夾band出歌，拍cover，有人識嘅，自己租個studio教，唔洗同人分。
識人多又可以接下job做，始終教樂器時間彈性，就要搵其他野幫補，但依家武肺都幾難有job接。

去到佢個d 級數收6 7舊水一個鐘我諗都唔成問題
開班一對十咁教都仲得

佢值咩？

Respect 你咁有心，但呢一行競爭大到乜咁，又有咁多冇料既ig掃chord 結他手爭飯食，而且隨住年紀越黎越大，有冇諗過10年後會唔會比人淘汰

我當自己教，一個收一千蚊，高峰既話當有30個學生，都係3萬一個月，仲要扣埋租錢，仲要唔知下個月仲會唔會有新學生學.....同舊學生走...後生就冇所謂，如果成左家立左室就好大壓力，唔怪之得我阿sir都係part time教

有d 咩仆街野？琴行拖糧？唔比學生你？

我覺得唔係好睇cert既
當然有就gimmick d
我身邊其實好多讀完MI(美國個啲音樂學院）之類
仲要大我五-六年 都仲係教緊琴行
都睇學上面巴打話齋 有冇下決心走出confort zone出黎拍片私教 然而我覺得私教就真係可以meet到幾萬 咁當然讀完出黎係好過一般市井 但唔一定有料左/勁左/揾錢多左

其實都唔知話自己有自信定點 不過我信仲有一個生存空間係度 一黎大家aim既學生類型唔同 淘呔就睇吓自己係咪一成不變囉 講真 你一打開instagram 大撚把人勁過你 尤其而家仲後生 暫時都不甘後人 盡量令自己meet到潮流 犀利既咪自己創造潮流
始終學既人多過教既人 你話無乜料嗰啲其實自己淘呔自己 比喻佢收費好平 咁都就會加唔起價 租越黎越貴 最後收皮

算係take the risk 但我鐘意

你睇起我底就知 長期做苦主
成日睇唔起自己未夠料出黎教
其實遲d點都要甩琴行 琴行就擺到明食人血饅頭
教野係用哂老師man power 一般琴行只會好低成本投資一間教學室 套鼓同環境好撚衰（唔記得講係教鼓既我） 耳仔會出事
咁既情況仲點會繼續教
萬一我係跳唔出教琴行呢樣野 其實係等收皮的