「求巴打指教」暗瘡印解決辦法 除咗食a酸有咩方法

小弟比暗瘡印困擾左3-4年 今年18 仲讀緊書 家境清貧 銀行得萬零蚊 有咩方法可以根治暗瘡印？因為暗瘡印而成日覺得好自卑，唔敢係人哋面前除口罩，成日都覺得自己太樣衰溝唔到女。

1）上網睇到兩千蚊都唔洗做10次嘅激光 聽佢講解有文有路 想請問一下有冇巴打試過係伏定真係得？

2）去印精華？成日去屈臣氏萬寧上網睇 有好多去印精華推介 去印精華大概要查幾耐先至有效？最後買咗幾多錢？求巴打指教。

3）最後聽講食a酸係最有效嘅方法，但係要起碼食半年甚至一年，價錢又貴，怕負擔唔起。

有冇巴打可以救命，以小弟目前嘅環境可以點去除暗蒼印？

暗瘡印如果係色素沉澱, 最慢幾個月就會退.
用d維他命C都得.

食a酸係治療暗瘡, 唔係處方黎退印.
雖然都會退印, 但唔會咁食.

激光係去疤

所以搞清楚你想問咩先

咁暗瘡印可以點處理？預算得一萬蚊左右

維他命C咁要點用？ 使唔使睇醫生定係自己買藥食買嘢查就得？

暗瘡印自己一兩個個月就會無
維他命C只係令個過程快d, 但都至少28日.
因為皮膚新陳代謝既週期係28日
你可以去iherb 搵下維他命C精華液.

但如果好似你所講 困擾左3-4年
應該問題唔係印
你係咪一粒生完, 好返, 又生多粒? 導致D印不停係到?

平時有無做防曬

冇

咁點去印
日日都加深
乜都死啦

如果係生一粒好返又返keep 住有印就A 酸？

其中一個選擇囉，因為其實口服A酸算係三線藥，如果個醫生有醫德一般唔會咁易俾。

但當然，而家經濟環境唔好，有條友要長期食藥，幫佢交租，我諗佢都好願意接受。

但如果本身唔食得嘅話(要做其他外科手術，例如激光矯視)，可以試吓用外用A酸。

唔係石頭瘡的話都幾有效

食完A 酸 再過幾耐先可以左smile?

smile好似得，lasik先唔得
詳情問眼科
一般都係六個月。

巴打 我個case係d印留左4年 冇再生過暗瘡 但佢一直都唔消 我查左成幾年野都只係變淡少少咁明顯 但死都消唔走 而且有時會惡化 好似變紅左同腫左 但會自己好番。到底我要點先消得走佢地，唔算好嚴重但都幾明顯，一直都消唔走

紅 腫 痛 係發炎症狀, 應該其實未好. 只係無變成嚴重感染, 所以無膿.
係同一個位置不停重生?

任何色素 (印) , 一般都係一 / 兩個月就會退. 如果長期無退, 一定唔係印.
你個case, 個毛囊應該係不停發炎, 然後又好返.

呢層你就要似乎情況去見皮膚科 / 皮膚文憑醫生
但一般普通科應該都可以幫到你

係呀 我果d都唔知係咩黎。因為其實我好少生暗瘡，但係兩塊面側邊果d都留左幾年，時好時壞咁，呢排又惡化番，同埋我明顯感覺到會因應住睡眠而影響。

淡果陣其實就粉粉地，好似暗瘡咁一粒粒比較密，唔算好明顯。但腫果陣就會明顯紅哂好明顯

我一直都唔知自己算咩case，因為一定唔係暗瘡，至少4年。但又唔係爛面/凹凸洞/毛孔粗/油面咁嚴重，似係暗瘡既樣。自問皮膚以前算好好但面自從有左就一直都唔消

毛囊炎？
有冇用開水掦酸？

冇用過酸類產品 最近諗住試下用
The ordinary 果隻5% acid睇睇，巴打有冇推介?

有冇人試過暗瘡印變癦?我個暗瘡印會左灰色,好似癦唔知點搞好

買嘢睇佢有效成份就得。

乜乜天然，鑽石乜乜呢類標示全部都係廢話。

BHA同AHA都得，BHA就脂溶，AHA就水溶，效果兩者有少少差異。

產品方面，睇你係點用啦，Iherb有隻BHA嘅棉塊，如果你沖完涼本身就有成套護膚程序，啲嘢唔想掉，咪用住BHA pad先


如果你乜都冇嘅，咪可以搵下啲爽膚水，有BHA成份。再加返啲保濕cream

記得用左之後岀街要搽防囇。

巴打好反未？小弟有同樣問題求指教