貓咪絕育一問

是咁的
屋企兩隻貓 同胎的 一隻仔一隻女
就嚟六個月大
啱啱見到仔勃起咗
嚇到我即刻打去問獸醫可摸耳絕育
但係診所話一定要打齊兩針先

因為係武肺期間接佢兩個返嚟
想盡量少啲出街 加上診所啲預防針前排無貨
所以遲咗打針
下個月中先打第二針

想問下各位ching嘅貓都係足月打齊針先絕育？
好驚佢兩個搞出貓命
一隻玳瑁一隻黑貓
萬一真係有咗啲 貓b驚無人要

無打過針就的左去絕育
醫生話夠重同健康就得
睇既係區內數一數二好獸醫
所以勸你問多幾間或叫朋友介紹

我隻貓本身浪浪嚟，2歲先俾義工捉到去絕育，絕完育上個月先打完第一針

分開左佢地先再諗啦

好 唔該曬你呀我會問多幾間
仔應該夠重了 就嚟3kg....

而家會睇實佢地啦 今晚開始分開瞓
女未開始發情 驚仔騎佢

我睇開呢間死都要我打齊針先決定問多幾間

通常自己絕咗先，試過ok先同貓做

你竟然係驚d貓b無人要
而唔係驚萬一真係搞出貓命
d貓b有好大機會會有病因為係近親繁殖

最好就打齊針先絕育
一唻驚佢地出街或係獸醫度感染到d菌
尤其係貓瘟果一類 到時就會好大件事

而家你只能夠先分開佢地養
一隻養係廳一隻養係房
唔好諗住有人係屋企望住就放佢地見對方
因為貓要搞起上唻係好快
同埋你都難保自己秒秒望到實一實

呢層我都知 所以真係好驚有咗...
感覺好對唔住啲貓b
分開咗佢兩個了
聽日會打去其他診所問下睇下點
感謝你

貓咪大個咗再打針 仲好過貓仔三個月大嗰時打

因為打針即係種啲病毒落去身體等佢產生抗體。

身體強壯嘅貓打針先唔會出事

我見過貓仔好細個兩三個月都識扯旗 唔使咁擔心