點解呢個社會咁扭曲？

全部野都係用錢去衡量，搵1xk 2xk會話你唔上進，返份hea工就算。點解我一定要幫地產商大財團打工姐？點解我地唔可以追求work life balance? 點解一定要賣命俾公司？點解放工唔可以有自己生活，自己想做嘅野？梁天琦都成日講，如果有得揀，佢會想揀一份hea工、夠生活，剩低嘅時間就用嚟玩結他。

究竟係咪個制度逼傻咗你地？扭曲晒你地嘅思想？本身一個政府好嘅，係咪應該人人都安居樂業？想舒服嘅咪住公屋,想享受生活咪勤力啲搵錢買私樓，個社會唔係應該咁咩？我俾你好勤力，30幾歲搵緊3萬幾，但你呢舊錢又買到啲咩？一舊磚都買唔到，你一世都幫人供樓，俾錢養班垃圾政府同狗，你覺得好值咩？你就每日做到隻狗，有啲垃圾十幾萬一個月就係議會瞓覺，上進？有撚用，呢個世界你唔出賣靈魂都唔會做到上等人。

仲未講一班想搞藝術、玩音樂、手工藝品，佢地都係搵得好小，但人地開心咪得，點解成日咁鍾意去批評人？自己活出自己價值唔得咩？

平時返工經過紅磡橋有一個好諷刺嘅景象，香港人每次經過都係好急速返工放工，而旁邊就有舊鐵籠圍住，彷彿一班奴隸困係鐵籠，每日都活係呢個監獄入面，受盡鞭打折磨咁幫一班權貴去起一啲無謂建築同雕像。

呢個社會真係你地想要嘅野？

最後有感而發，真係覺得香港好需要更加多嘅荼毒室，去荼毒青年，其實每個人都應該要去思考下身邊嘅野，唔係淨係上嚟屌人地咩職業、咩人工去圍爐取暖

係呀香港社會係扭曲架
咁唔鐘意咪quit Hong Kong囉

Btw大撚把人準備緊移民/走咗

所以盡量少啲同社會糾纏
我就係要做廢青
唔生下一代
令世界滅絕由你我做起

無錯 個社會同呢個世界都係一樣
形形式式 既枷鎖 、監獄 要等人類 慢慢續一去沖破

呢套奴役制度 根本就有問題

抱怨吓好啦 繼續翻工啦香港人

你係咪一出世就去左坐監 呢排先出黎
社會一直係咁嫁喎

因為世界將番工變左生活
算係一種控制人民思想既方法
人大左就會為退休打算 就想買樓
但政府就推高樓價 你只能夠番工番工番工 跟住買樓
政府做咩都唔會有阻力

你理鳩得個社會點話你姐

唔係社會扭曲，係你自己比社會馴服左

你唔理人點睇你 根本可以過得好平凡，你驚人話你搵得少 係你自尊心作怪

大把窮人 有案底 低學歷 搵得少既人 都可以開心過 有錢人

最後一句，上少d 連登 對你心態有幫作

不能同意更多！

我依家做緊嘅工就係 出多少少力 早收工少少 有時間玩自己嘢 夠養多部前七

我想 quit 人生online 多D
但又驚重刷左去鬼国

唔少連登仔有份扭曲，跟住仲要同d藍絲一樣話你唔鐘意可以離開香港

我好撚鍾意香港㗎

因為中共同港共要扼殺香港嘅未來

咁你可以搵1xk-2xk自己work life balance架
你開post屌想搵多d錢既人做咩呢,人地想做既野就係搵多d錢

唔係社會扭曲，係連登扭曲，自問容易受人影響就上少d

想搵10-20k都有樓有足夠退休保障
想搵10-20k都有尊重，全世界冇人會睇我唔起，覺得我只係選擇悠閒生活，同能力無關
想人工越低就一定越hea/工作量越少/受氣越少