《「慶回歸群組」懷疑與李健間公司有關？》
從「慶回歸群組」流出嘅短片見到，當日喺旺角稻香搞嘅聚會，係由「輝煌娛樂製作」全力支持，而輝煌娛樂係乜東東？
Google一下，就會見到輝煌娛樂嘅老闆(?)係TVB特約演員李健，輝煌娛樂製作有無可能係同名呢？有機會嘅，但係李健間輝煌同樣係負責搞「宴會策劃」，鍾意跳吓老舞，而佢嘅合作伙伴全部亦係非藍即紅，與「慶回歸群組」吻合。
此外，李健同藝人麥德羅係好朋友，麥德羅係「屯門富臨群組」嘅感染者，亦即「慶回歸群組」之延伸，麥同李健一樣鍾意跳老舞、唔戴口罩，麥更加喺一個宴會講過「無錯，最緊要開心，開心就無病。」兩位果然好好朋友，大家嘅衛生意識都薄弱到令人嗤之而鼻。
以上資訊均係由網友提供，雖然未有確切證據證明「李健間輝煌娛樂就係慶回歸群組間輝煌娛樂」，但兩者的確同時鍾意跳老舞、無衛生意識，又係愛国者，中間又有個麥德羅連接住兩者，實在係幾巧合。如果大家有料就一齊分享吓，砌埋呢塊拼圖，試吓還李健一個清白吖嘛！
