[FA] 鋼鍊最後 點解愛德華可以自己揀用真理之門換返艾爾？

泉 冇得生仔
焰之鍊金術師 冇視力
甚至 愛德華鍊老母 冇左左腳

全部都冇得揀用咩做代價

點解最後一次鍊金
愛德華可以自己揀用真理之門(鍊金能力)換艾爾

主角光環，同埋得佢諗到呢樣交換

你睇翻上面個幾個角色
佢地個真理之門都係唔同
愛德係生命之樹
上校係空白 因為佢係用人地成果
佢地自己信邊套真理就係點
瓶中小人覺得 真理就係絕望
所以最後佢得到真理就係絕望

Edward一開始覺得真理係應該點點點
到最後發現 所謂真理其實係自己
就好似真理佢一直講
我就係你
到最後你會發現佢用愛德把聲同愛德講
你嬴左我
愛德覺得真理就係最大
所以用無限大去換佢細佬

我諗係第一次人體鍊成作為代價要畀真理拎走你一樣嘢而你冇得揀
而佢最後一次鍊成要拎返艾爾成個人 佢因為已經開過門見過真理所以可以揀自己嘅一部份去換返啲畀真理拎走過嘅嘢

我唔明白既係
人體鍊成
失去俾真理既「代價」
點解開頭唔可以自己揀
由得真理鍾意拎走乜就乜
例如腳、視力、內臟

但最後一次愛德華主動話想用真理之門換
居然OK

因為第一次人體煉成就得到真理之門

得到真理之門之後就可以任用煉金術

但係同時失去左細佬同埋自己嘅手腳

咁佢而家咪用返真理之門，姐係放棄煉金術去換返佢失去嘅嘢囉

第一次嗰陣佢都唔知有真理呢條友
第二次知有呢條友咪醒水 同埋條友最尾都有講 係愛德華嬴咗佢

我估第一次係因為無人有足夠嘅代價去揀用咩換
所以隨機換都計埋落代價入面

我個人理解都係呢個最接近
但都唔係完全解得通 因為愛德華人體煉成之前都可以用煉金術
咁計落又唔係真係等價交換

其實就算係第一次，都唔係由得真理之門想攞乜就攞乜
每個人既真理都唔同，進行人體鍊成佢只會拎最接近每個人真理既野
愛德華兄弟想要老母一個冇左身體一個冇左腳
愛德華想要返細佬（固定細佬靈魂）冇埋右手
師父想要仔冇左子宮
馬斯丹想要睇到國家既未來冇左眼
每一個都係對應返當下對於自己黎講真理係乜就失去乜
最後愛德華領悟自己既真理就係自己，而當下最大既代價就係自己既真理之門
所以唔洗比佢揀拎手拎腳定拎身體，因為佢已經主動拎左自己最大既代價出黎

一即是全 全即是一

合理

但之前係要有煉成陣先做到
睇完真理就拍手就可以

細佬用 身體 換 門嘅知識
阿哥用 門 換 細佬身體
本身咁做會令到阿哥因為冇咗門而返唔到嚟（上校有講過類似說話）
但因為佢兩個喺錬老母時嘅血撈埋咗 可以見到對方嘅門
阿哥就可以用細佬嘅門返去
至於佢點諗到個人估計係阿哥諗起細佬點用靈魂換手

但換完之後係畫煉成陣都用唔到煉金術

馬斯丹係鬼空白門，空白門係瓶中小人

會唔會之前係用人體鍊成陣 係隨機代價

但之後愛德華係只用鍊金術去門口 再dual

利申 鳩up 上面D 留言合理完整好多

最後一次入去見時

真理有提佢

呢度真理之門係矮德德畢生追求

同佢鍊金術嘅所有


所以我估站喺真理反觀矮德德

由因為要將阿媽復活 到救番細弟

呢段追求鍊金術嘅過程

就係矮德德嘅一切



但矮德德明白除咗鍊金術

佢仲有親情 友情等其他嘢

所以真理覺得佢贏了

同樣睇法

馬斯丹度門係中尉個背脊喎

學完野食埋人地個女
可以問個師傅 有冇甜品?

咁又唔同
一般人畫個圖都唔會發動到鍊金術
圖只係公式, 但發動嘅能量都係靠門嘅力量去產生
佢無左力自然畫圖都只係畫公仔