我屋企部飛歌洗衣機用咗14個月，度門爛咗三次

上年四月買咗部飛歌洗衣機，四月安裝好後，一直都無用過，直至七月尾入伙後至開始用。

用咗半年左右，機門個鉸位開始裂，洗衫時有水滲出嚟，洗完衫一開個機門，仲成度門甩咗出嚟，叫師傅上嚟睇，佢話我撞爛個門，但其實洗衣機前只係放咗個垃圾桶，而自始之後，我亦將個垃圾桶搬走放去第二度。

再用咗四五個月左右，新嘅機門個鉸位又開始裂，今次及早發現，未有滲水同度門無甩出嚟。師傅上嚟睇，就一口咬定我打開度門後大力撳度落去…但其實我真係無咁撳過度門。

不過自此之後，我就好小心咁用部機，我除咗放衫入洗衣機同洗完攞 d 衫出嚟會接觸到個機門，其餘時間我都無掂過度門，d 衫我係儲埋一次過放入去，避免成日又開又關度門。

但上星期六我發現度門個鉸位又開始裂。我即刻打去叫佢揾師傅上嚟換門，但因為過咗保養期，所以要收$900，今次佢就連上嚟睇都唔駛，就斷定咗係因為人為因素而整爛度門。

過咗保養期要收錢整我明白，但係保養期內，你地又有無幫我去揾出個原因點解度門咁易爛同埋爛得咁密？淨係識得講我整過咁多機都未見過咁爛法，我地都未見過有客爛得咁密呢 d 説話。

而家我決定唔整啦，再係咁一年爛兩次，維修費都夠我買部新機，而飛歌呢個牌子我亦唔會再考慮用佢地嘅産品。

係咪D中國牌子掛名OEM機

呢樣真係唔清楚，不過就算真係大陸機，都無聽過有咁爛法

Flick垃圾左好耐，買番pan啦，用6-7年都無事

而家諗緊日立，唔知好唔好

金章用左半年發毛掉撚左，轉用lg ，好滿意

之前第一次爛門嘅情況，之後仲成度門甩出嚟

屌佢老味 我部洗衣機又係咁爛法

你呢部係乜嘢牌子？