原本諗住出段長啲既食評片放youtube,配下音搞下笑咁。
但條片剪到開頭見到有張相就唔係幾想搞笑
所以我會照原片出冇配音,短短地比大家大概睇下間野個環境同杯野飲。
但依間野好值得大家去台灣既時候幫襯支持一下。
台灣真好,可以自由咁表達意見
https://youtu.be/3qTOJoxmzIU
灰咖啡 Hway Coffee
地址:80042 高雄市新興區林森一路146巷2號
營業時間:13:30-1:30 星期二休息
交通:捷運美麗島站再步行前往
電話:07 251 5665
未入門口已經見到大大個反送中掛左係到,一路行入去有大量支持香港既野,當然都有台灣本土既文宣,同埋大量反共文宣,老闆一睇就知係台獨分子黎,香港如果有間野貼到咁應該被消失左。
環境裝修同好古老好特別,啲傢俬擺設好得意,仲用緊鐵花窗同埋碎石地板(條片有),好似去左返校個個年代咁(唔太熟台灣舊時咩樣)。
入面放左好多書同唱片,可以隨便拎黎睇的。
依到叫杯野飲就可以坐成日仲有得叉電,好多候生仔叫杯野飲睇下入面啲書,傾下計好休閒咁坐左大半日。
佢地最出名飲手沖咖啡,但因為我唔太飲咖啡,所以同台妹們叫左伯爵奶茶、焦糖鮮奶茶、藍莓優格茶,正常冇咩特別(相都唔記得影 片有得睇)。
台妹提醒大家係台灣記住要叫鮮奶茶先會用鮮奶沖你飲,唔好再話台灣奶茶得奶粉係垃圾。。。
因為間野開到凌晨,平時夜晚都幾多人係到飲酒吹水,有好多款台灣日本啤,可以去識下文青台妹台仔喔~
野食就冇咩特別所以冇叫到。
鍾意飲咖啡既人應該好岩去,見佢地好似對咖啡好有研究,環境好清幽又靜,啲音樂幾特別,同朋友傾下計輕輕鬆鬆咁可以坐半日。
價錢:3杯野飲450台幣,係台灣依類型既咖啡室都係差唔多依個價。
評分:10/10
評語:謝謝台灣
如果大家鍾意睇既之後會多啲介紹下台灣既黃店,等開番之後可以去幫襯下默默支持香港既佢地,當然啲片會剪得詳盡啲同講埋野。
Ig:https://www.instagram.com/hkfoodghost/
想睇之前其他食評既就係ig支持下我 煮野食就去youtube