所以有次好奇得滯直情上去玩
我嗰間係sell旅遊會籍
上到去佢會搵條後生嘅follow你
通常都着到好似好專業咁
握晒手好似傾生意咁
坐低之後又斟茶遞水攞嘢食俾你
好撚好服務
之後唔會入正題先
會係咁同你傾日常嘢
查家宅咁 等你放低戒心
唔經唔覺就幾個鐘頭
之後先開始入正題
如果佢說服唔到你 就會到經理
經理都說服唔到你 就再到返條女
疲勞式轟炸你
連去個廁所都要有人陪住你
喺門口等你
又係咁俾你睇 買咗會籍嘅人嘅相
買咗會籍嘅人送俾佢哋嘅禮物
又會俾埋你睇 自己同屋企人去旅行嘅相
講到佢哋嘅體驗有幾好幾好 慳咗幾多
吹到天花龍鳳
到最後會叫你填一份問卷
都係嗰啲垃圾問題
但係有一條要注意嘅
就係佢哋會問你覺得係過程之中
有冇覺得俾人哋強行推銷
咁成個過程條友會喺隔離望住你
俾人咁樣望住 好多人禮貌上都會填冇
咁樣就仆街啦
萬一你真係俾佢呃咗
你走去告佢又好點都好 到時佢攞返份嘢出嚟
話你嗰陣明明話冇俾人哋強行推銷
而家買完又話我哋呃你 好前後矛盾
你就真係啞口無言
到我走番出嚟嘅時候
原來已經過咗成七八個鐘
連尾班車都冇撚埋
嗰個環境嗰個氣氛
真係會令你忘記咗體感時間
都真係幾撚恐怖
如果大家真係對自己冇乜信心
又一定要去呢啲地方
真係唔該你將啲可以碌嘅卡
全部擺低係屋企 淨係帶少量現金
同埋叫朋友或者屋企人set定個時間夠鐘
就打電話俾你 等你有藉口走
最後講句傳銷狗死全家
