乾/混合性皮膚既你朝早會唔會洗面？

近排睇左好多關於護膚既嘢，發現原來對得電腦多，或者長期暴露於陽光燈光情況搽防曬可以避免皮膚老化同埋生黑色素

但係問題係搽完夜晚要卸妝對於一個男仔黎講絕對係陌生至極，又覺得洗唔洗呀，有d話可以用強力少少既洗面奶代替，但係其實都好撚麻煩又唔知會唔會對皮膚唔好，本身皮膚就係敏感肌。

又唔想成日搽咁撚多嘢落塊面度，好驚塊面會依賴左d護膚品長期會搞亂左入面d自然生產，到時可能連油都唔識出

依家考慮好唔好朝早起身唔洗面，由得佢一層薄薄既油脂響表面度，或者可能係咁咦濕濕水，再搽面霜，再搽一搽防曬算。

有無巴打有經驗可以分享

你咩肌

應該係乾，又敏感

過下水就算

你應該做好保濕
早晚至少
朝早你真係唔想用洗面奶都用水洗下

你本身早晚點洗面同會搽啲咩落塊面度？
唔想用卸妝就揀枝化學性防曬
夜晚用洗面膏就咁就洗得走
如果你連洗面膏都唔想用就咪鬼搞咁多野

我一般重點護膚係夜晚，全部都係用dr.G，用洗面奶洗完，抹乾再噴兩嘢補水果支嘢，再黎就係爽膚水，隔陣子再搽保濕乳液，最後可能再搽陣凡士林cream就完。

朝早有時要見人就洗面奶+乳液，放假就無理。

有ar

我都係混合性 但今年開始唔知咩事兩邊面係咁出粉刺 之後就變暗瘡 但明明兩塊面係無乜油 反而出油量多啲既額頭又正正常常

無呀 驚過度清潔 以前讀書個陣已經試過過度清潔而爛面 之後有一排剩係用清水洗面 啲皮膚變得超好 所以到而家都唔敢用太多野係塊面到

我塊面係一用錯少少野就即刻爆粉刺個啲
試過用kiehl's個隻金盞花toner 用兩日即刻出粉刺

你係咩性質皮膚？咁啱後面講嗰兩樣都想試

可以搽nature republic嗰隻vitamin b5 cream
之前用過 幾保濕同埋佢係專for敏感+乾肌
但我唔係乾肌 夏天用會太笠
不過搽上面嘅嘢都係做多啲research好啲

我識啲大學師姐做化妝師，之前幫我同啲fd 處理過敏感肌同護膚問題

洗唔洗幫樓主問問？

好啊https://t.me/tonyu1997