求問玻璃窗開孔 / 裝抽油煙機師傅

平時啲人都話係裝咗廚櫃先裝抽油煙機
但裝完個櫃就發生咗安裝問題 求救

廚櫃師傅話個櫃開孔位預大咗
窗同廚櫃之間仲有少少位
會裝到排條喉同唧到膠

裝抽油煙機師傅話開孔位比廚櫃阻住佢隻手
話根本應該未裝櫃前開玻璃孔先
宜家佢裝唔到 要我出面搭棚整/拆晒成組廚櫃比佢裝
因為要係出面敲玻璃同出面唧玻璃膠

廚櫃就裝好晒㗎喇 一拆就成組拆 無理由呢頭整個頭拆㗎

求問有無師傅裝到呀其實？？

自己一野打碎佢啦...你唔拆D工具咁貼上去介

真係應該開咗窿先

首先~裝櫃前必須開定玻璃窿~
呢個問題你既設計師或廚櫃公司就要幫你諗定~
咁邊個負呢個責任你慢慢深究啦~

咁小弟比小小意見你啦~
我見你個櫃都係組合櫃嚟~
窗前呢個櫃應該可以獨立拆出嚟~
如果拆咗呢邊櫃怕右手邊櫃無力既~
叫師傅買啲木方返嚟撐住個櫃啦~
當然叫佢木方兩頭做保護~
唔好整花個櫃同枱面~
咁窗前個櫃拆到 咁就再開玻璃窿啦~

另外我唔知你個玻璃窿係咪要開係下方可開的窗戶上~
如果開窿要開係上方細的梗玻璃上~
咁我就建議你拆櫃都好過搭棚啦~
除非設計師或廚櫃公司負上責任~
費用佢哋自付~咁就由得佢啦~
否則正路拆櫃既費用係平過搭棚既~

如果你玻璃窿開係下方可開的窗戶上~
而個櫃真係拆唔到的話~
有個做法~就係叫師傅拆咗窗既上方同下方既窗鉸~
再將成個窗拎入屋開窿之後再裝返佢~係最簡單既做法~
但記得叫師傅小心啲唔好飛咗個窗落街~
即使有買保險傷到人都唔好~而且係需負刑責~
不過我睇你個位置都係上面梗窗多~
拆窗前面個櫃啦~

老人家長氣啲唔好意思~希望你能解決問題啦~

見你話好多人話裝咗廚櫃先裝抽油煙機~
多口講多兩句~
其實你呢句說話係啱既~
的確係裝咗廚櫃先再裝機~
不過係裝修過程中~應先諗定排氣喉點走~
係邊個位置或邊個窗出~
先開定玻璃窿再裝櫃~最後就裝機~

我見你話一拆就成組拆~
但我見你個櫃係組合~正路就唔洗~
不過各施各法~或者佢真係要成組拆都唔出奇~
不過係on9啲咯~

邊個設計公司/裝修師父幫你跟嫁
真係要開左窿先裝廚櫃

搵玻璃師父成件玻璃換左佢啦,睇落應該夠位做

邊條蛋散見樓主約人裝櫃都唔撚提樓主要玻璃開定窿
呢啲裝修佬真係仆街
我個廚櫃同抽油煙機都唔係裝修佬裝
佢都一早同我夾定條喉點走幫我開定窿