［廣東話］好唔好食唔食應唔應該洗唔洗

好唔好、玩唔玩、應唔應該既正同負面回答都用返問句入面個字，ie 好/唔好；食/唔食；應該/唔應該，點解淨係得「洗唔洗」既正面回答唔會講「洗」

：喂你洗唔洗人幫呀
: 要呀

好苦惱，到底點解唔會答「洗呀」咁樣！！！！！

有冇語言學jj可以說明下

你都講咗個答案出嚟啦

洗唔洗 係本質上唔係疑問句

你舉嘅 好唔好、玩唔玩、應唔應該 係可以單獨成為疑問

而洗唔洗之後要再加嘢 e.g. 洗唔洗人幫

如果就咁「洗唔洗呀?」就唔係疑問意思

未聽過人咁問會答要呀

不嬲都答洗
樓主邊到鄉下？

愛唔愛

點解唔會答洗？
我俾人咁問都會答洗

如果有人問你「洗唔洗幫你call白車」
你肯定你既即時反應唔係「call啦仆街」而係「洗呀仆街」????

假設問果個真係唔知答案, 「洗唔洗」同「好唔好」都係疑問句黎嫁喎

另一方面，如果「洗唔洗呀」係果D感嘆句, 回答者都唔會講「洗呀」嫁，試下呢個例子：

：搞到個party咁串，洗唔洗呀？
你會答「就係要搞到咁串」定係「就係洗搞到咁串」？

你咩省份未聽過香港人咁講嘢

你啲碗洗唔洗啊？
洗！

場景一：傷心毒撚：如果我冇溝MK仔條女，我洗比人打柒？
場景二：傷心毒撚：如果我冇溝MK仔條女，我會比人打柒？

想像下身旁安慰佢既清醒毒撚：會呀，因為你柒過龍，個個見到都想打鳩你。
兩個場景下，清醒毒撚會講「洗呀」嫁咩？唔係「會呀」更合符語感咩？

呢個洗字係當「清潔」解，唔同case啦

輕pish

唔係通常答「好呀唔該」嘅咩

唔使咪答「唔使」

Yes = 要
No = 唔洗

你洗唔洗衫呀？


洗呀

其他粵語嘅方言可能仲保留咗
使唔使 - 使呀 呢個講法？

講開要唔要
你要唔要人幫

洗唔洗=要唔要

要 唔會講做洗
但唔要 會講做唔洗

我多數答「好呀」

洗唔洗錢？
洗呀

英文答一個「Yes」就夠，我諗廣東話會用「係呀」、「好呀（Yes）」或者「要呀」。

樓句嘅例句牽涉「係」以外嘅動詞所以唔會用「係呀」；「好呀」都係常見答法，不贅；「要呀」應該係因為廣泛使用，從一個specific（需要）嘅用法，弱化為簡單嘅肯定「Yes」。

至於答「使呀」，都可以表達到你要人幫，但因為少人用，所以有highlight嘅作用。我想像到嘅情況係，你嘅情況危急到唔使問都知要幫，答「使呀」有諷刺或者強調嘅作用。

進一步嚟講，如果句子係「使唔使幫你叫白車」。由邊個嚟叫白車唔係重點，總之係是旦一個就得，所以唔會答「幫呀」，除非你一定要某個人幫你嗌；「使呀」用法上一段講咗（唔排除有其他情況會用到）；「好呀」「要呀」「叫啦」都係可能嘅答法。

至於點解「叫」要用「啦」唔用「呀」，我推測可能因為Yes或No先會用「呀」，如果動詞都用「呀」，代表你真係好嬲（「食呀」「走呀」），正常祈使句嘅動詞都係用「啦」就夠。