[長文] [TLDR]
2020年4月左右，同有線寬頻 A staff 電話傾的時候，講明是試用服務先(3個月)，如果不滿意 3個月後可以不簽約。
第一次(A staff)負責找的師傅上門安裝寬頻時，裝到一半時，聲稱帶唔齊工具，所以要我哋重新打過俾有線約時間再安裝。
好拉，我哋唯有再打俾有線寬頻既A staff傾，之後佢哋轉左俾第二個staff (B staff) 同我哋傾，當時我哋亦有再問”係咪試用3個月後，如果唔滿意，可以唔簽約？”
B staff亦回應”係的”。
(好可惜冇錄音)
之後我哋同B staff重新約時間上門安裝寬頻，並提醒他們要帶齊工具，唔想再重新約。
2020年4月21日，師傅上門安裝完成時，我哋亦再次問”係咪試用3個月後，如果唔滿意，可以唔簽約？”
師傅回答 “係”
(好可惜冇錄音)
好拉，用左2個月左右，其實我哋已經諗住唔會繼續用有線寬頻，主要原因係因為佢哋上網實在太唔穩定，可以1,2日就斷線，甚至重新連線都冇用，其次係因為佢哋冇俾isp acc我地。
然後我哋就打俾有線B staff，同佢講我哋唔打算同有線寬頻簽約，並講左原因，並且只會俾3個月既費用，之後B staff話我哋唔可以咁樣，我哋話”試用前問過你哋，唔滿意係可以唔簽”，之後B staff話我哋並冇問過佢，只有問過A staff，而且電話都計簽左約，所以係自動簽約。
之後我哋緊係十分唔滿意&好嬲，叫佢哋經理同我哋傾，之後經理俾我哋既解釋都係同B staff講既一樣，不過佢話要搵師傅上門睇，要證實係真係上唔到網先可以考慮俾我哋cut，我哋say no，原因係如果師傅又上門，咁個下 上網一定係正常的，根本代表唔到平時上網既情況，第二，個時疫情嚴重，盡量避免陌生人上門係常識，第三，佢哋做嘢真係好唔掂，第一次安裝時師傅帶漏野，又要安排第二次，實在太麻煩。
之後同個經理拗左好耐，我哋亦有講過佢哋服務根本有問題，亦有講過左咁耐我哋都冇收到個isp acc，個經理竟然話係我哋冇主動問佢哋拎！我哋更加嬲，大佬 一開始係你哋話安裝寬頻後會寄個isp acc俾我哋，理應係你哋自動自覺要做嘅嘢，依家不但冇道歉，仲怪我哋冇主動同佢哋講！？
事後佢哋亦重寄左isp acc俾我哋，但由於我哋始終唔想又冇啦啦俾人上門搞個寬頻，而個經理亦聲稱冇其他方法，並且話我哋已經簽左一年約，依家咁樣係毀約既情況，所以我哋同個經理傾唔掂，完全達唔到共識。
之後又繼續同個經理拗，投訴信亦有寫過寄俾佢哋，亦有試過交還寬頻同電視盒俾佢哋既代收站，但佢哋並唔收，最後個經理話搵個大粒啲既人同我哋再傾，我哋話好。
之後我哋係一直都冇插返個有線寬頻同電視，亦冇收到個經理講既”大粒啲既人”既電話。2020年9月頭，收到叫我哋交還欠款和罰款既信。除了本身既3個月試用費用外，仲有其他罰款。(本身一個月98蚊，一年千幾蚊，依家叫我哋交三千幾蚊，如果唔係既話就會告我&法庭見)
依家我哋已經聯絡定律師，不過更加想分享俾大家知 有線寬頻既服務係有幾差。(以後呢啲野真係所有電話都要自己錄音，就算對方有錄，你都唔知有冇修收過)
可能你哋話為咗三千幾蚊而打官司唔值，但去到呢個位已經唔係錢既問題。
係如果簽約(1年)先係千幾