大家千祈唔好報佐敦間商專IELTS(我的理想教育中心）

大家千祈唔好報佐敦間商專IELTS（我的理想教育中心），專呃進修基金。佢地通常會係暑假打電話黎，叫人去報咩IELTS班。

去到首先會叫你做test,跟著上堂，但係到最後佢地係無幫你分析你既程度（打電話個陣佢係話用黎睇你程度）。試堂個陣講到幾勁幾勁，好多野都唔識，日常講開既英文有好多錯誤，話IELTS寫作有咩鋪墊手法，又話試堂個陣無抄到note既學生係唔會收咁，講到好似佢地揀學生唔係亂黎，有選過咁，又係咁sell IELTS考得好有幾好幾好咁，又有咩分數保証班（考唔到佢地set比你既分，“唔係”比你無限再考考到合格，係比你再上佢地堂上到合格為止），話佢地到時有個澳洲既p chan好有經驗咁，仲話好多人報，即刻報幫你搞插班咁。小弟入世末深，就個下比佢地fake到報成萬幾蚊既course，覺得真係學到野都值呀

咁開始上堂啦，個p chan上堂成q日吹水dun波鐘，話咩從來唔教skill，佢地係教你學英文，成三個月大部分時間都係教生字咁，一教就成三個月。Reading 叫你上堂做對下答案咁，我自己係屋企網上自己操都得啦。Listening都係一齊上堂做下paper咁。Writing連structure或者其他寫作手法無咩點講，叫你填preposition 同fill in the blank，頂當人on9, writing叫你fill in the blank? Speaking有就係叫你一齊用上堂時間睇friends,話學字wow,一集都15-20分鐘，未計吹水既時間，到最後個堂都無教咩“鋪墊手法”。佢地仲會派黃紙比你，叫你填上堂學既字，一個字“亂”，分類亂，分類到其中仲有啲叫咩“describe doing sth"同“describe sth",話屌，咁精警既note我真係未見過，如果係咁我不如自己開本黎抄自己分類（我係咁做），咁你張黃紙亂到咁，唔方便人睇，整黎做咩。好啦，咁到最後係黎完哂課程，最後個幾堂，發現仲有好多未講，叫你番去自己做，做完自己對答案。

咁完哂課程之後要去佢地到做番啲papers筆試咁，個啲paper全L部都唔係IELTS題型，部分題目極淺極straightforward，比學生易pass去攞進修基金，ok,算。問題係仲要做gp discuss,大佬，係咪當我唔知IELTS考咩？做discuss?????都算。當練英文

咁之後我同佢地投訴啦，佢地話“一班多人有唔同進度，進度係慢啲嫁啦”，講起仲過份，最多人堂有70幾人，當有啲無cam人用兩個device(因為要開cam見人頭,拍比政府睇，攞番筆錢），比盡都有50幾個學生，咁分班人數係佢地行政問題，唔好話想做多幾個學生。之後我再將以上投訴內容send比佢地，佢地直頭係唔覆你。

我打哩篇野唔係話我有幾慘點點點，我比人呃左，比左錢，預左舊錢dun落鹹水海，追唔番，好彩有政府資助啫，我一直好內疚，仲要令到我個fd比人fake埋，只可以當買個教訓，記一世，記住以後要查多啲資料，問多啲人先去報課程，以後決策要再細心一啲。
其實你用啲時間YouTube同好多網站都有教人考IELTS，甚至仲講得仲詳細，又唔洗錢,哩個真

因為我都係學生咁，明白學生暑假打工賺錢唔易，要小心啲使用自己既錢，唔到咁易比傳銷奸商呃同咁易比佢地得逞。

ielts報course本身都係弱智架啦

8樓個間？

係呀

ielts 都要報


自己上網搵幾份pp 做下都得啦 報乜鬼

呢個世界總係多蠢人比人呃。。。

講真啦，邊間都好，都係無撚用呃鳩你錢架咋，唔係洗乜咁落力sell你咩

上過以前現代嘅班 真心係貴嘅 我覺得唔係太值得 都係幫你英文打底 同埋教下考試技巧 但係我考得好趕急 我無讀到listening嘅堂

但係listening最高分 有8.5

同埋叫你做test 之後話你邊度錯啊 邊度做得唔夠好咁樣 但係佢自己都讀錯啲字 佢話我pronunciation唔正確 但係佢自己讀左pronunciation做
pro-noun-ci-a-tion

明白樓主心情，考完dse衰咗英文個下心情真係想考返ielts但又對自己冇信心咁。我都報過呢間，但特殊情況下我堂都未上交完學費第二日就打電話過去申請退咗學費 諗起都覺得自己個陣好蠢，不過好彩退到慳返幾千銀

真心有教考試技巧？個呀sir上堂話最憎教考試技巧wow:

My Dream詳細地址喺邊咖？

我本身都諗住報，比埋留位費，睇到你哋咁講，即刻取消，不過本人就比較擔心 個人資料...畀佢哋唱到仆街

就算比人唱，都唔知可以點嫁啦

真心好撚煩，成日打嚟，仲要次次唔同電話

36116569 36116230 36116250 36116585
總之就喺 36116- 都咪鬼接

喺到提供多個電話，我就早前挽野，攞咗個miss電話，大家可以得閒 133- 打去，等佢feel下係咁打電話嘅滋擾性
5201 8207

苦主係到 可唔可以要佢退錢 同課程介紹完全唔吻合 告佢得唔得

強硬啲講退錢 唔好比佢大到
利申試過

點解仲有咁多人落踏嫁報之前唔上黎睇下先

Hi

尋日俾佢sell完，唔覺意俾佢攞左張信用卡俾佐4300第一期

宜家可唔可以上去叫佢退錢，一堂都未上過

Ching見到既話可唔可以同我傾傾

Tg @NateQ12233

企硬同佢講退費，搵個理由乜都好 一係直接上門一係打去佢個熱線 退既話佢會退支票比你

我係已經上咗門同佢講我一定要退費

本身係問緊門口既員工，但係試堂個導師突然間衝出黎同我對質，佢既態度係仲硬過我

我係咪今晚再打電話過去會好啲

打電話唔會有咩方面 態度強硬最主要 唔好比佢氹到 一係搵個fd陪你

仲有想問吓你係幾時俾人呃的? 係最近?

8、9月

Pk...我琴日交咗300留位費。聽日即刻上翻去退